Жыхар Гродна 1972 года нараджэння вырашыў правучыць дзяцей вельмі небяспечным для іх здароўя спосабам. Усё гэта адбылося на днях у двары аднаго з дамоў па вуліцы Пралетарскай. Грамадзянін знаходзіўся ў сваёй кватэры ў стане алкагольнага ап'янення, калі яму сталі перашкаджаць дзеці, якія гулялі на дзіцячай пляцоўцы, паведамляе УУС аблвыканкама.
Мужчына стаў крычаць на дзяцей, якія не давалі яму адпачываць. Вось толькі яго словы дрэнна даносіліся з балкона восьмага паверха, таму ў ход пайшлі іншыя, небяспечныя аргументы.
«Як толькі мужчына стаў крычаць з балкона, адзін з дзяцей паклікаў на дапамогу бацькоў. Калі дарослыя прыйшлі на месца грамадзянін працягваў скандаліць, таму дзяцей адвялі далей. Пасля гэтага падазраваны кінуў з балкона восьмага паверха два кухонныя нажы ў бок дзіцячай пляцоўкі. Балазе кідальнік зброі з яго ніякі, таму ў выніку інцыдэнту ніхто не пацярпеў. Аб гэтым здарэнні паступіла паведамленне ў аператыўна-дзяжурную службу Кастрычніцкага РАУС, на месца выбыла следча-аператыўная група. Праваахоўнікі пагутарылі з відавочцамі, як апынулася, мужчына і раней вёў сябе агрэсіўна»- распавёў начальнік АКВ Кастрычніцкага РАУС падпалкоўнік міліцыі Юрый Пазняк.
Па дадзеным факце заведзена крымінальная справа па частцы 3 артыкула 339 Крымінальнага кодэксу Рэспублікі Беларусь - «Хуліганства»
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
