Вы тут

Студэнты-гісторыкі БДУ знайшлі каля 5000 артэфактаў І тысячагоддзя нашай эры


Археалагічныя раскопкі вядуцца на гарадзішчы ў вёсцы Цясты Верхнядзвінскага раёна Віцебскай вобласці. У экспедыцыі бяруць удзел першакурснікі гістарычнага факультэта БДУ пад кіраўніцтвам выкладчыкаў.


Закладзены раскоп на плошчы 80 м² дазволіў археолагам знайсці прадметы, якія адлюстроўваюць бытавую культуру плямёнаў балтаў. Сярод іх знаходак -- рыбалоўныя кручкі, нажы, шылы, сякеры, прасніца, прадметы ўзбраення. Знойдзены таксама ўпрыгажэнні з жалеза і бронзы: гэта бранзалеты, шпількі,  бляшкі, пранізкі. Здабыткам археолагаў стала і вялікая колькасць разнастайнай керамікі. Яна ўся ляпная, але значна адрозніваецца паміж сабой. Частка посуду адносіцца да днепра-дзвінскай археалагічнай культуры і датуецца I-IV стагоддзямі н.э. Ёсць у знойдзенай калекцыі і фрагменты позняй керамікі, праўда, пакуль што не атрымалася ўстанавіць яе паходжанне.

Экспедыцыя ў Цястах працягнецца да 24 ліпеня. За гэты час археолагі плануюць знайсці печ-домніцу, жыллёвыя і гаспадарчыя пабудовы дадзенага перыяду. Канкрэтную перыядызацыю знойдзеных артэфактаў дапамогуць устанавіць  далейшыя навуковыя даследаванні.

Трэба дадаць, што ўпершыню гарадзішча даследавалася ў пачатку 1980-х гадоў. З тых часоў археалагічныя раскопкі тут не вяліся.

Надзея НІКАЛАЕВА

Выбар рэдакцыі

Рэлігія

Адноўлены Тураўскі крыж паказалі ў Мінску

Адноўлены Тураўскі крыж паказалі ў Мінску

Вячэрняе набажэнства у саборы прайшло, авеянае дарагімі для ўсіх сімваламі вяртання і адраджэння духоўных традыцый.  

Культура

75 гадоў таму адкрылася першая экспазiцыя музея Янкi Купалы

75 гадоў таму адкрылася першая экспазiцыя музея Янкi Купалы

Давайце з нагоды пачэснага юбiлею пройдземся па залах музея, у кожнай з якiх свае цiкавосткi.