Вы тут

Артыстаў з 7 краін збярэ ў Гродне фестываль вулічнага мастацтва


Артыстаў з сямі краін збярэ ў Гродне 27 ліпеня Біг-міні-фестываль вулічнага мастацтва, які пройдзе ўжо восьмы раз. Аб гэтым БЕЛТА паведаміла адна з арганізатараў фестывалю Настасся Роўба.


bigminifest.by

У гэтым годзе фестываль збярэ больш за 300 артыстаў з Беларусі, Расіі, Украіны, Польшчы, Літвы, Іспаніі і Італіі. У цэнтры Гродна адкрыюцца некалькі творчых пляцовак: музычныя, танцавальныя, тэатральныя, перформансныя. З сярэдзіны дня і да апоўначы гараджан і гасцей горада будуць забаўляць музыканты, танцоры, вулічныя тэатры, жывыя статуі, хадулісты, майстры фаер-шоу.

"Кожны год нам падаюць заяўкі на ўдзел каля 100 творчых калектываў з усёй Беларусі і краін блізкага замежжа. Аднак мы стараемся аддаваць перавагу толькі самым яркім і прафесійным артыстам. У прыярытэце - калектывы з унікальнай аўтарскай падачай, уласным гучаннем і незвычайнымі пастаноўкамі", - расказала Настасся Роўба.

Фестываль адкрыецца традыцыйным тэатралізаваным шэсцем усіх удзельнікаў з плошчы Леніна да сцэны каля маладзёжнага цэнтра "Гродна". Узначаляць шэсце прадстаўнікі школы карнавальнай самбы і бразільскіх барабанаў Raccoon Batucada з Мінска. Акрамя традыцыйных для фестывалю напрамкаў, у Гродне арганізуюць фотавыставы, а таксама некалькі інтэрактыўных тэатральных перформансаў.

"Біг-міні-фестываль пройдзе ў канцэпцыі "Адкрываючы дзверы ў мастацтва". У час работы артысты становяцца своеасаблівай брамай для гледачоў, адкрываюць для іх гэты свет. Таму ў 2019 годзе мы заклікаем усіх не стаяць на парозе, а смела ўрывацца ва ўсё багаццё мастацтва, не стукаючы", - адзначыла Настасся Роўба. Яна дадала, што гасцей фестывалю чакаюць цікавыя арт-аб'екты і інсталяцыі з дзвярэй.

  • Арганізатарамі фестывалю выступаюць Гродзенскі гарвыканкам, Гродзенскі гарадскі цэнтр культуры і івент-агенцтва "Бібам".

Выбар рэдакцыі

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.

Грамадства

Неспадзяваныя падарожжы. Як не згубiцца ў лесе?

Неспадзяваныя падарожжы. Як не згубiцца ў лесе?

Цёплае i вiльготнае надвор'е, якое вось ужо чацвёрты тыдзень з невялiкiмi перапынкамi пануе ў Беларусi, штурхае да таго, каб пайсцi ў лес.