Вы тут

Жыхар Беларусі задэклараваў даход у 25 мільёнаў рублёў


Падача падатковых дэкларацый па падаходным падатку нашымі суграмадзянамі за мінулы год завяршылася яшчэ 1 красавіка.


Падатак трэба было паспець заплаціць у бюджэт не пазней за 3 чэрвеня. Даць справаздачу перад падатковай трэба было тым, хто атрымаў даходы ад продажу грузавіка або аўтобуса, двух і больш аўтамабіляў, а таксама ад продажу больш чым адной кватэры, жылога дома, дачы, садовага доміка, гаража або зямельнага ўчастка. Падатковую дэкларацыю таксама неабходна было падаць пры атрыманні ў якасці падарункаў сумы звыш 6116 рублёў з усіх крыніц на працягу года. Выключэнне — атрыманне даходаў ад блізкіх сваякоў. Дэклараванню падлягалі і даходы, атрыманыя з-за мяжы або за мяжой.

Падатковыя дэкларацыі сёлета прадставілі 30 413 чалавек — на 11,2 працэнта больш, чым годам раней. Найбольшая сума задэклараванага гадавога даходу склала 25,2 мільёна рублёў, вылічанага падаходнага падатку — 3,3 мільёна рублёў. Найбольшыя сумы падаходнага падатку паступілі ў бюджэт Мінска і Мінскай вобласці, паведаміла намеснік міністра па падатках і зборах Святлана Шаўчэнка.

Галоўнай асаблівасцю гэтай кампаніі дэкларавання з'яўляецца змяненне тэрміну прадстаўлення падатковай дэкларацыі з 1 сакавіка на 31 сакавіка і змяненне тэрміну выплаты падаходнага падатку з гадавога даходу з 15 мая на 1 чэрвеня. Перш за ўсё гэта звязана з неабходнасцю даць грамадзянам дадатковы час для збору дакументаў, звязаных з выплатай падатку з даходаў, атрыманых за мяжой.

Іншая важная асаблівасць кампаніі — гэта прадастаўленне права грамадзянам-карыстальнікам размешчанага на партале міністэрства сэрвісу «Асабісты кабінет фізічнай асобы» магчымасці запаўнення падатковых дэкларацый у электронным выглядзе. Зайшоўшы ў свой асабісты кабінет і націснуўшы патрэбную кнопку, кліент атрымлівае ўжо запоўненую ў электронным выглядзе дэкларацыю. Яму застаецца толькі праверыць правільнасць указання ў дэкларацыі ўсіх рэквізітаў і памеру атрыманага даходу. Пры неабходнасці ён уносіць у такую дэкларацыю неабходныя карэкціроўкі і затым адпраўляе яе ў электронным выглядзе ў падатковы орган.

У асабістым кабінеце плацельшчыка рэалізаваны і шэраг іншых магчымасцяў, якія істотна спрашчаюць парадак узаемадзеяння плацельшчыка і падатковага органа. З'явілася магчымасць атрымаць у электронным выглядзе паведамленне на выплату падаткаў.

У гэтым годзе праз асабісты кабінет фізічнай асобы пададзена 6941 падатковая дэкларацыя ў электронным выглядзе. У параўнанні з мінулым годам колькасць пададзеных у электронным выглядзе падатковых дэкларацый павялічылася ў шэсць разоў.

Сяргей КУРКАЧ

Загаловак у газеце: Не зусім маленькі гадавы даход

Выбар рэдакцыі

Культура

Больш за 100 літаратараў з усіх рэгіёнаў краіны возьмуць удзел у мерапрыемствах Дня беларускага пісьменства

Больш за 100 літаратараў з усіх рэгіёнаў краіны возьмуць удзел у мерапрыемствах Дня беларускага пісьменства

Свята, якое ўжо традыцыйна ладзіцца ў першую нядзелю верасня, сёлета прымае Слонім.

Грамадства

Як працуюць сядзелкі

Як працуюць сядзелкі

Попыт на сядзелак ці медсясцёр, якія могуць даглядаць цяжка хворых людзей на даму, пастаянна расце.

Культура

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Беларускаму складніку Тахелеса прысвечаны арт-фестываль «Міфалагема тысячагоддзя», што адкрыўся ў прасторы Ок16 15 жніўня.