Вы тут

Захаваць і прымножыць здабыткі, або Жыць у вёсцы, як у горадзе


Бараўлянскі сельсавет хутчэй нагадвае сабой буйны раённы цэнтр. У васямнаццаці населеных пунктах пражывае амаль 60 тысяч чалавек. За апошнія пяць гадоў колькасць насельніцтва павялічылася больш як на 20 тысяч, а за мінулы год — на 3000.


Бясспрэчна, людзі хочуць жыць, як у горадзе, у камфортных умовах, мець побач і дзіцячыя садкі, і школы, і магазіны, і ўладкаваныя дарогі.

— Апошнім часам, літаральна за тры-чатыры гады, у Бараўлянах шмат зроблена па добраўпарадкаванні, рэканструкцыі асноўных дарог, дваровых тэрыторый, рамонце ўстаноў аховы здароўя, адукацыі з добраўпарадкаваннем іх тэрыторый. Пабудавана і ўведзена ў эксплуатацыю 45 шматкватэрных жылых дамоў, — кажа старшыня Бараўлянскага сельвыканкама Жанна Верабей. — Таму асноўная задача органаў мясцовай улады — разам з жыхарамі захаваць і прымножыць тое, што маем, і накіраваць усе намаганні на рашэнне пытанняў па развіцці перш за ўсё сацыяльнай інфраструктуры, якая адставала ад будаўніцтва жылля. За апошнія тры гады ўзведзены тры дзіцячыя садкі — адзін ў вёсцы Лескаўка і два ў мікрараёне Новая Баравая, што ў вёсцы Копішча, а таксама — сярэдняя школа на 720 месцаў у Лескаўцы. Цяпер будуецца дашкольная дзіцячая ўстанова на 240 месцаў у раёне вуліцы 40 гадоў Перамогі ў Бараўлянах. Папярэдні тэрмін здачы яе ў снежні 2019-га. У планах — вучэбна-педагагічны комплекс «Дзіцячы сад—сярэдняя школа» за кошт сродкаў горада Мінска ў раёне вуліцы Жамчужнай у вёсцы Бараўляны.

Бараўляны называюць медыцынскім цэнтрам нашай краіны. І гэта сапраўды так. Сюды едуць на абследаванне і лячэнне жыхары не толькі Мінскага раёна і цэнтральнага рэгіёна, але і ўсёй Беларусі. Таму наспела неабходнасць пашырэння медыцынскіх паслуг. Ужо ўведзены ў дзеянне і працуе на поўную магутнасць тэрапеўтычны корпус на 180 ложкаў у Мінскай цэнтральнай раённай бальніцы з сучасным рэанімацыйным аддзяленнем, аснашчаным па апошніх патрабаваннях. Цяпер праводзяцца праектна-вышукальныя работы па будаўніцтве корпуса на 800 наведванняў у змену ў раённай паліклініцы.

— Хочацца, каб ва ўстановах аховы здароўя працавалі прафесійныя кадры. Але мы разумеем, што для гэтага трэба стварыць умовы і перш за ўсё — для пражывання, — лічыць Жанна Аляксандраўна.

Літаральна нядаўна адкрыты інтэрнат на 116 месцаў для работнікаў дзіцячай абласной клінічнай бальніцы. Узводзяцца тры інтэрнаты ў Лескаўцы больш, чым на 300 кватэр маласямейнага тыпу, прызначаныя для медработнікаў. Ідзе да завяршэння будаўніцтва двух дамоў для супрацоўнікаў дзіцячай абласной клінічнай бальніцы ў кааператыве «Дружны-2011». Нядаўна на базе аднаго з карпусоў былога дома адпачынку каля Астрашыцкага Гарадка пасля рэканструкцыі адкрыўся інтэрнат для работнікаў абласной клінічнай бальніцы. На тэрыторыі Рэспубліканскага навукова-практычнага цэнтра анкалогіі і медыцынскай радыялогіі імя Аляксандрава вядзецца рэканструкцыя харчовага блока, сталовай, тут будуць абсталяваны гасцінічныя нумары для тых, хто суправаджае хворых, што дасць магчымасць ім знаходзіцца побач з роднымі, блізкімі.

Даволі дынамічна развіваецца і такі населены пункт як Копішча, дзе літаральна за некалькі гадоў вырас мікрараён Новая Баравая. Кампанія А-100 у межах інвестыцыйнага дагавора працягвае яго забудову. Да 2030 года тут будзе ўзведзена 830 тысяч квадратных метраў жылля. Паралельна будуюцца аб'екты сацыяльна гарантаванага прызначэння: дзіцячыя садкі, школы, паліклініка. У 2020-м плануецца адкрыць сярэднюю школу на 1020 месцаў.

Сфера гандлю і паслуг толькі ў аграгарадку Лясны і вёсцы Бараўляны прадстаўлена больш чым 100 арганізацыямі рознічнага гандлю і больш як 20 прадпрыемствамі грамадскага харчавання. Іх плошчы пастаянна павялічваюцца за кошт дзейнасці суб'ектаў малога прадпрымальніцтва. У недалёкай перспектыве пры выездзе з Бараўлян адкрые дзверы шматфункцыянальны гандлёвы комплекс, дзе будзе створана каля 200 рабочых месцаў.

Вядома, у пытаннях добраўпарадкавання населеных пунктаў шмат дапамагаюць старшыні сельвыканкама дэпутаты, іх выбрана пятнаццаць, органы тэрытарыяльнага грамадскага самакіравання, старасты вёсак, старшыні калектываў індывідуальнай забудовы (КІЗ) і раёнаў індывідуальнай забудовы (РІЗ). Яны вядуць работу з грамадзянамі па ўладкаванні дарог з раўнадолевым удзелам людзей і дзяржавы. «А ініцыятыва прыватна-партнёрскіх адносін належыць старшыні Мінскага райвыканкама Івану Крупко, — канстатуе Жанна Верабей. — Жыхары сваімі сіламі падсыпаюць вуліцы пясчана-гравійнай сумессю, вядуць падрыхтоўчыя работы для асфальтавання. А цвёрдае пакрыццё ўкладваецца за кошт бюджэтных сродкаў».

У раёне індывідуальнай забудовы ў Лескаўцы такім чынам заасфальтавана шэсць вуліц, столькі ж з'явіцца і ў вёсцы Дроздава, а таксама тры ў вёсцы Чарцяж.

Таццяна ЛАЗОЎСКАЯ

Выбар рэдакцыі

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.

Калейдаскоп

Вясёлыя гісторыі чытачоў

Вясёлыя гісторыі чытачоў

Класiкаў трэба ведаць…, Быў бы араты, будзе й прыганяты, Па малiну…

Эканоміка

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

У бiзнес-колах Гродзеншчыны лiчаць, што меры па падтрымцы эканомiкi з'явiлiся своечасова.