Вы тут

У Мінскім раёне ўрачыста адкрылі дзесяць двухузроўневых таўнхаусаў


У Мінскім раёне ўрачыста адкрылі дзесяць двухузроўневых таўнхаусаў для шматдзетных сем'яў

Будынкі знаходзяцца за дваццаць хвілін язды ад Мінска — у Астрашыцкім Гарадку, у маляўнічым месцы з даступнай транспартнай і сацыяльнай інфраструктурай. Дамы здаюцца з якаснай унутранай апрацоўкай, металічнымі ўваходнымі дзвярыма і механічнай ралетнай сістэмай у гаражы. Непадалёку ад комплексу размешчаны дзіцячы сад і школа.


Праект распрацаваны таварыствам з абмежаванай адказнасцю «Белэнергаінжпраект». Нарматыўны тэрмін будаўніцтва — 6,5 месяца. Генеральным падрадчыкам выступіла ТАА «Металабудпрофіль». Гэтая кампанія вядомая па жылых комплексах «Нягучная гавань каля пірса» ў Ратамцы і на вуліцы Валмянскай у Калодзішчах.

Будаўнічыя работы былі пачаты 3 кастрычніка 2018 года і закончаны 30 чэрвеня 2019-га.

Комплекс размешчаны ў межах магістральнай аўтадарогі Р-40 і вуліцы Ленінскай. Участак абмежаваны жылой катэджнай забудовай і раней узведзенымі трохпавярховымі дамамі паблізу ракі Усяж. Праектнае рашэнне ўяўляе сабой жылы блакіраваны дом (таўнхаус) з дзесяці секцый. Кожная з іх — гэта двухузроўневая кватэра на адну сям'ю з убудаваным гаражом, а таксама гасцявым машынамесцам. На першым паверсе размешчаны гараж, уваходная зона з ганкам, тамбур, хол — пярэдні пакой, камора-гардэроб, сумешчаны санвузел, вялікая кухня, якая мае выхад на тэрасу і дваровую тэрыторыю. Па лесвіцы з хола можна падняцца на другі паверх, які складаецца з двух жылых пакояў, кабінета, ваннага пакоя, санвузла. З пакояў прадугледжаны выхад на балкон.

Па жаданні будучых навасёлаў жылыя пакоі могуць здавацца без унутранай апрацоўкі. Агульная плошча блакіраванага дома  — 1499,9 квадратнага метра, кватэры — 149,9 квадрата.

Таццяна ЛАЗОЎСКАЯ

Выбар рэдакцыі

Культура

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Беларускаму складніку Тахелеса прысвечаны арт-фестываль «Міфалагема тысячагоддзя», што адкрыўся ў прасторы Ок16 15 жніўня.

У свеце

Як развіваецца глабальнае супрацьстаянне ЗША і Кітая?

Як развіваецца глабальнае супрацьстаянне ЗША і Кітая?

Супярэчнасці ў адносінах паміж Вашынгтонам і Пекінам абвастраюцца, і іх можна смела называць гандлёвай вайной.

Грамадства

Якім павінен быць вучэбны дапаможнік у ХХІ стагоддзі?

Якім павінен быць вучэбны дапаможнік у ХХІ стагоддзі?

З 50 выданняў, якія павінны з'явіцца на школьных партах да 1 верасня, 48 ужо надрукаваныя.

Здароўе

Якія аперацыі беларускія афтальмолагі робяць пры катаракце, глаўкоме і іншых хваробах вачэй

Якія аперацыі беларускія афтальмолагі робяць пры катаракце, глаўкоме і іншых хваробах вачэй

Экзапратэзаванне арбіты не робіцца больш ні ў адной з краін СНД.