24 кастрычніка, субота

Вы тут

Сёння распачынаецца праект «Музычныя вечары ў Купалаўскім»


Наступны сезон стане для Нацыянальнага акадэмічнага тэатра імя Янкі Купалы святочным: калектыў будзе адзначаць стагоддзе з дня заснавання тэатра. Адзін з прымеркаваных да гэтай даты праектаў — «Музычныя вечары ў Купалаўскім» — распачынаецца ўжо сёння, 20 ліпеня.


Купалаўскі — адзіны драматычны тэатр краіны, што мае свой аркестр. Калектыў вырашыў гэта падкрэсліць і выкарыстаць для асаблівай ідэі — арганізацыі серыі канцэртаў, якія аб'ядналі б тэатральнае і музычнае мастацтва.

Сёння ў Каміннай зале тэатра аркестрам пад кіраўніцтвам Уладзіміра Кур'яна будуць выкананы творы са спектакляў «Паўлінка», «Ідылія», «Гаральд і Мод», «Тут і там», «Местачковае кабарэ» і іншых.

Да таго ж праграма сённяшняга вечара — мы помнім, што дырэктарам тэатра ўжо некалькі месяцаў з'яўляецца былы пасол Беларусі ў Францыі, Іспаніі, Партугаліі і Манака Павел Латушка — пэўным чынам аб'яднае дзве краіны. Апроч канцэрта, тут адбудзецца адкрыццё выстаўкі «Пётр Шумаў. Вяртанне дадому» — яна дэманструе работы беларускага фотамастака, які ў 1920-я шмат здымаў у Францыі.

У экспазіцыі можна будзе пазнаць Марка Шагала і Льва Бакста, Клода Манэ, Марыну Цвятаеву, Альберта Эйнштэйна ды іншых вядомых персон.

Сённяшні «пілотны» выпуск абяцае працягнуцца цэлым шэрагам канцэртаў у новым, сотым, сезоне, ну і, вядома ж, у будынку Купалаўскага адбудзецца шэраг іншых святочных падзей.

Сафія ПАЛЯНСКАЯ

Загаловак у газеце: «Ідылія» ў Каміннай зале

Выбар рэдакцыі

Грамадства

Схадзіць на «Куфар» і застацца без грошай. На папулярным сайце можна сустрэць махляра, замаскіраванага пад пакупніка

Схадзіць на «Куфар» і застацца без грошай. На папулярным сайце можна сустрэць махляра, замаскіраванага пад пакупніка

«Лічбавыя жулікі», якія здымаюць грошы з чужых банкаўскіх карт, звычайна маскіруюцца пад інтэрнэт-рэсурсы, вартыя даверу.

Культура

Януш Вішнеўскі не адчувае сябе пісьменнікам і шукае сюжэты на BlaBlaCar

Януш Вішнеўскі не адчувае сябе пісьменнікам і шукае сюжэты на BlaBlaCar

Януш Вішнеўскі не адчувае сябе пісьменнікам і шукае сюжэты на BlaBlaCar.

Грамадства

Транспарт вялiкага горада. Пра новыя маршруты, электробусы i трэцюю лiнiю метро

Транспарт вялiкага горада. Пра новыя маршруты, электробусы i трэцюю лiнiю метро

 У Мiнску цяпер працуе 199 маршрутаў аўтобусаў, восем — электробусаў, 89 — тралейбусаў, восем — трамваяў.