Вы тут

Па суботах ля Ратушы будзе гучаць класічная музыка


Фестываль «Класіка ля Ратушы», што праходзіць у Беларусі пяты раз і з гэтай нагоды — у пяці гарадах, ужо правёў адзін музычны вечар у Віцебску, а сёння, 20 ліпеня, пачынае серыю канцэртаў у мінскім Верхнім горадзе.


Дзяржаўны акадэмічны сімфанічны аркестр Беларусі пад кіраўніцтвам Аляксандра Анісімава выканае як класікаў — Пятра Чайкоўскага, Станіслава Манюшку, Франца Легара, Імрэ Кальмана, — так і сучаснікаў: Сяргея Картэса і Максіма Дунаеўскага. Па традыцыі паслухаць канцэрты фестывалю можна бясплатна.

Гэтым разам «Класіка ля Ратушы з velcom | A1» запланавала дзесяць канцэртаў і аб іх пачатку нагадала 300-метровай выявай скрыпічнага ключа, што з'явілася на адным з палёў у Капыльскім раёне.

На першым канцэрце фестывалю, які прайшоў на плошчы Перамогі ў Віцебску, выступіў Art Musіc Orchestra. Па традыцыі «Класіка ля Ратушы» запрашае да ўдзелу найлепшыя прафесійныя калектывы краіны: на серыі з шасці сталічных вечароў апроч Дзяржаўнага акадэмічнага сімфанічнага аркестра класічныя творы будуць выконваць Нацыянальны акадэмічны народны аркестр імя Іосіфа Жыновіча, музычная капэла «Санорус», Дзяржаўны камерны і Прэзідэнцкі аркестры. Да таго ж адну з праграм адыграюць запрошаныя госці — эстонскі духавы аркестр «Саксон».

3 ліпеня Art Musіc Orchestra і ансамбль «Мінск-Класік» выступілі адпаведна ў Гомелі і Гродне, а 28 ліпеня Art Musіc Orchestra сыграе ў Брэсце.

  • Усе мерапрыемствы фестывалю будуць даступныя таксама ў запісе, а мінскія канцэрты яшчэ і транслявацца анлайн на відэасэрвісе VOKA. Апошняя субота з класікай ля Ратушы пад адкрытым небам адбудзецца 31 жніўня.

Сафія ПАЛЯНСКАЯ

Загаловак у газеце: Запісвайце ў каляндар

Выбар рэдакцыі

Грамадства

Без памылак нельга рухацца наперад, або Чаму попыт i прапанова пакуль не заўсёды супадаюць

Без памылак нельга рухацца наперад, або Чаму попыт i прапанова пакуль не заўсёды супадаюць

Давайце разам прыгадаем свае першыя крокi ў школе. Што кажа дзецям настаўнiк?

Спорт

Кiнуць выклiк лёсу. Чым жыве паралiмпiйскi спорт у Беларусi

Кiнуць выклiк лёсу. Чым жыве паралiмпiйскi спорт у Беларусi

Як беларусы рыхтуюцца да галоўных стартаў i як развiваецца паралiмпiйскi рух.

Эканоміка

Маладых спецыялістаў у сельскай гаспадарцы вабяць не толькі жыллё і зарплата

Маладых спецыялістаў у сельскай гаспадарцы вабяць не толькі жыллё і зарплата

У сельгаскааператыве «Ніва-2003» Гродзенскага раёна цяпер працуе ажно 11 маладых спецыялістаў.