У Ваўкавыскім раёне падлетак збіў мужчыну да страты прытомнасці, паведамляе група інфармацыі і грамадскіх сувязяў УУС Гродзенскага аблвыканкама.
Інцыдэнт адбыўся ў адной з вёсак. 58-гадовы мужчына на ровары ехаў на могілкі, каб наведаць магілу бацькі. На адным з уздымаў ён прысеў адпачыць.
"Міма праходзіла кампанія маладых людзей. Абмен рэплікамі прывёў да канфлікту. Найбольш актыўны з кампаніі некалькі разоў ударыў мужчыну кулаком па галаве, ад чаго той страціў прытомнасць", - распавялі ў міліцыі.
Агрэсар забраў у пацярпелага ровар. Ачомаўшыся, мужчына звярнуўся па дапамогу. Падазроны быў затрыманы па гарачых слядах. Ім аказаўся вучань 10-га класа адной са школ Ваўкавыска, які характарызуецца з адмоўнага боку.
Ровар канфіскаваны.
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
