Вы тут

Сібірскія "Крывiчы" будуць спяваць у музеі гісторыі беларускай літаратуры


У Дзяржаўным музеі гісторыі беларускай літаратуры 22 ліпеня адбудзецца творчая сустрэча з іркуцкімі беларусамі - удзельнікамі гурта «Крывiчы». Аб гэтым расказаў «Мінск-Навінам» дырэктар музея Міхаіл Рыбакоў.


- У сценах музея расійскі творчы калектыў «Крывiчы» прадставіць мінчанам сваю праграму «Песні і танцы беларусаў Іркуцкай вобласці», - растлумачыў Міхаіл Рыбакоў. - Фальклорныя рэлікты былі запісаныя групай падчас этнаграфічных вандровак па вёсках Прыбайкалля, у якіх у самым пачатку ХХ стагоддзя апынуліся перасяленцы з беларускіх земляў. Вядома, яны прывезлі з сабой свае звычаі, культуру, у тым ліку песні.

Група аўтэнтычных спеваў «Крывiчы» заснавана ў 2009 годзе па ініцыятыве расіяніна, сібірскага беларуса Алега Рудакова. Кіруе групай Вольга Галанава.

«Крывiчы» даюць другое жыццё традыцыйным беларускім абрадавым спевам - выконваюць іх у старадаўняй манеры. Усе ўдзельнікі групы нарадзіліся ў Сібіры, але з задавальненнем вывучаюць беларускую гісторыю і мову. «Крывiчы» не раз выступалі ў Беларусі, у тым ліку на Фестывалі мастацтваў беларусаў свету.

Сустрэча з «Крывiчамi» у музеі пройдзе ў рамках праекта «У сэрцы з Радзімай».

Пачатак у 18:00. Уваход вольны.

Выбар рэдакцыі

Культура

Дзяніс Раманюк: Я раблю этнаграфію «дваццаць пятым» кадрам

Дзяніс Раманюк: Я раблю этнаграфію «дваццаць пятым» кадрам

Пышныя альбомы, выдадзеныя Дзянісам Раманюком, з задавальненнем трымаюць у хатніх бібліятэках як беларусы, бо адчуваюць гонар за краіну, так і замежнікі, бо невядомую культуру даследуюць праз высакакласны кніжны твор.

Грамадства

Санны рэйд. Як партызаны здзейснілі пераможную аперацыю на Палессі ў 1942-м

Санны рэйд. Як партызаны здзейснілі пераможную аперацыю на Палессі ў 1942-м

Сёлетняя зіма на снег, скажам прама, зусім небагатая. Але ў лютым і сакавіку 1942 года, калі пра глабальнае пацяпленне ніхто і не чуў, снегу было вельмі шмат.

Спорт

Барэц Максім Нягода: Пасля кожнага медаля трэба пачынаць з нуля

Барэц Максім Нягода: Пасля кожнага медаля трэба пачынаць з нуля

Барысаўчанін са шматдзетнай сям'і стаў чэмпіёнам кантынента.

Культура

Хто спявае па-беларуску?

Хто спявае па-беларуску?

Адмысловы плэйліст “Звязды” да Дня роднай мовы.