Вы тут

Раім схадзіць


Meet up для ўладальнікаў сабак, квіз для мам, Open Air Cinema і бізнес-лагер - афіша «Звязды» з 22 па 28 ліпеня.


Okidog Meet up - Карысная інфармацыя для ўладальнікаў сабак

Дзе: Корпус, пр-т Машэрава, 9, памяшканне 8

Калі: 22 ліпеня ў 19: 30

Колькі каштуе: бясплатна, але трэба зарэгістравацца

На чарговым мегацікавым мітапе okidog чакаюць усіх гаспадароў на сустрэчы з кінолагам Юліяй Тарсуновай на тэму "Карысная інфармацыя для ўладальнікаў сабак".

Коратка пра тое, што вас чакае:

  • Дакументы на гадаванца
  • Ветэрынарныя клінікі: куды і ў якіх выпадках звяртацца
  • Паслугі для сабак: салоны, гасцініцы
  • Залы і пляцоўкі для сабак і многае іншае.

Як заўсёды - з сабакам можна!


Квіз для мам Mama Pro

Дзе: Вікторыя Алімп Гатэль, пр-т Пераможцаў, 103

Калі: 24 ліпеня ў 18:00

Колькі каштуе: бясплатна, але з папярэднімі ўмовамі

Сучаснае мацярынства - гэта не проста пра клопат і любоў, але і пра развіццё, новыя веды і унікальны вопыт. Інтэлектуальны квіз для мам - гэта камандная гульня з пытанняў і адказаў, якая пройдзе па правілах класічнай «мазгабойкі». Усяго ў гульні прымуць удзел 8 каманд на чале з вядомымі мамамі - блогерамі і кіраўнікамі праектаў аб сучасным мацярынстве. Кожны збірае сваю каманду з падпісчыкаў - трапіць у яе можа любы жадаючы. Правяраць веды мам будуць не толькі ў тэматыцы здароўя, але і ў сферы псіхалогіі, дзіцячых забаў і нават кніг і мульцікаў.

На квізе будуць:

• Вольга Нікіфарава @olgarybakina, блогер і мадэль;
• Юлія Кур'ян-Касцюкевіч @julia_blackcat, блогер і бізнэсвумэн;
• Наташа Поткіна @natashapotkina, блогер і дызайнер адзення;
• Алёна Канановіч @kononushechka, блогер;
• Паліна Дварэцкая @ 4ipolina.life, блогер;
• Іна Бобак @zavaroushka, блогер і аўтар праекта «Сняданак без люлек»;
• Каманда праекта Mama Go @mamago.by;
• Каманда праекта «Мамслет» @mamslet.

Як патрапіць на квіз?

1. Спампаваць прыкладанне MAMA PRO - менавіта яно будзе «пропускам» на квіз (устаноўленае прыкладанне будуць правяраць на ўваходзе);
2. Зайсці на старонку любога блогера-ўдзельніка і знайсці пост аб наборы каманды на квіз;
3. Выканаць усе ўмовы і чакаць адбору ўдзельнікаў.

 


Выстава эратычнага фота «Трансфармацыя»

znyata.com

Дзе: Музей гісторыі беларускага кіно, вул. Свярдлова, 4

Калі: па 30 жніўня

Колькі каштуе: 5 рублёў

Віктар Сянькоў, вядомы ў большай ступені як фатограф-рэаліст. У новым праекце «Трансфармацыя» ён абвяргае дакладнасць прыроды фатаграфіі. Эксперыментуючы з тэхнікамі і медыумам, аўтар выяўляе асаблівую жывапісную прыроду здымка, які існуе на грані паміж канкрэтным і сапраўдным адлюстраваннем рэчаіснасці і беспредметным малюнкам. «Вобраз балансуе паміж абстрактным і матэрыяльным, намёкамі, вызначанымі ў сілуэтах... Пульсуючыя формы, плыўныя лініі, каляровыя плямы і градыент ствараюць ілюзію руху, падмацоўваюць абстрактна дынамікай зыходнага матэрыялу» - адзначае куратар Валеры Берастаў.

Аўтар праекта яднае ў адной прасторы канцэптуальную фатаграфію, відэа-арт і музыку, раскрываючы ідэю трансфармацыі вобраза ў кантэксце новых медыя, ўзмацняе іх ўздзеянне і канчаткова трансфармуе свядомасць гледача. У галерэі будуць прадстаўлены фатаграфіі аўтара і натхнёныя яго працамі відэа-арт і музычны матэрыял. Віктар запрасіў да ўдзелу дызайнера, фатографа, удзельніка міжнародных выстаў Маргарыту Сянькову (Італія) і вядомага музыкі Antonio Bozzi aka Shaven (Італія), які напісаў для выставы эксклюзіўныя трэкі ў жанры эксперыментальнага тэхна.


Бізнес-лагер "Ліпень.PRO"

Дзе: узбярэжжа ракі Нёман (90 км ад Мінска)

Калі: 26 - 28 ліпеня

Колькі каштуе: ад 70 рублёў

Прадпрымальнікі і топ-менеджэры едуць на летні бізнес-форум для пошуку супрацоўнікаў і новых праектаў. Арганізаваць сумоўе на адпачынку, знайсці сабе жонку/мужа і завесці карысныя знаёмствы дазволіць бізнес-лагер Лiпень.PRO-2019. У гэтым годзе бізнес-лагер збярэ больш за 600 прадпрымальнікаў.

Праграма бізнес-лагера выбудаваная такім чынам, каб усе ўдзельнікі пазнаёміліся адзін з адным, знайшлі карысныя кантакты і даведаліся апошнія фішкі ў бізнэсе. На працягу ўсяго адпачынку ўдзельнікі змогуць паслухаць выступленні больш за 25 спікераў з ліку вядомых бізнесменаў. Эксперты падзеляцца сваімі сакрэтамі, факапамі і ведамі ў галіне бізнесу, менеджменту, псіхалогіі, асабістага развіцця, нестандартных падыходаў да вядзення спраў. Яшчэ адна асаблівасць форуму - спікеры выступаюць без прэзентацый. Усе выступленні пройдуць у нефармальнай абстаноўцы, дзе кожны зможа задаць сваё "падступнае" пытанне спікеру.

Акрамя 24-гадзіннага нэтворкінга і навучання, удзельнікаў чакае больш за 20 лакацый для адпачынку і забаў: майстар-клас па гульні на хангу, фітнес, валейбол, зона з кальянам і вячоркі ў вогнішча з песнямі пад гітару. Для ўдзельнікаў арганізаваны трансфер з Мінска, пражыванне ў палатках і нумарах і харчаванне на працягу ўсяго адпачынку.


Мінск новапакутнікаў: праваслаўная царква ў гады савецкага пераследу (пешаходная экскурсія)

 

Дзе: месца сустрэчы вам паведамяць асабіста

Калі: 28 ліпеня ў 14:00

Колькі каштуе: звгвдзе - 10 рублёў; у дзень экскурсіі - 15 рублёў

Праваслаўная царква, уладная і заможная, пасля рэвалюцыі апынулася ў стане жабрака і маргінала - і гэтым стала вельмі падобнай да свайго Заснавальніка, Хрыста. Мінскія святары - падвяргаліся жорсткаму кантролю і ўціску; царкоўная маёмасць - пераходзіла ў дзяржаўную і распрадавалася за мяжу; храмы - зачыняліся, руйнаваліся, ператвараліся ў гаспадарчыя аб'екты. Адносіны камуністычнага ўрада і царкоўнай іерархіі рабіліся ўсё больш напружанымі. Выхад з сітуацыі - вузкая цярністая сцежка - ужо ззяў перад тымі, хто вырашыў ісці да канца... Іх лікі сёння - на царкоўных абразах, іх імёны - шэпчуць у малітвах. Зняважаныя пры жыцці, яны былі кананізаваныя царквой у наш час. Падчас гэтай аўтарскай экскурсіі мы пройдземся па мінскіх слядах святароў і царкоўных дзеячоў з трагічным лёсам, але пачнем ад іх бесклапотных юнацкіх гадоў… Акрамя таго, мы пазнаёмімся з царкоўным жыццём Мінска пач. ХХ ст., тагачаснымі царкоўнымі ўстановамі, саборамі, манастырамі, цэрквамі, многія з якіх былі знішчаны гэтак жа, як іх служкі…

Запіс у групу: +375297040018


Open Air Cinema

Дзе: Ok16, вул. Кастрычніцкая, 16

Калі: 28 ліпеня а 21:00

Колькі каштуе: бясплатна

Пад зорным небам ва ўнутраным дворыку ОК16 адбудуцца кінамузыкальныя вечарыны. Найцікавейшыя праграмы ад БЕЛКІНАЛЕТА, НЕФІЛЬТРАВАНАГА КІНО, КІНАБАЛАГАНА. Пачатак а 21. Першы паказ 16 чэрвеня. Працуе бар Romkocsma (Руін).


А-ўтобус

belnaviny.by

Дзе: Мінская гарадская ратуша

Калі: па 10 жніўня

Колькі каштуе: 25 рублёў

У Мінску па маршруце грамадскага транспарту запусцілі рэтра-аўтобус. Пасажыры пазнаёмяцца з гісторыяй горада і славутасцямі, а таксама даведаюцца, чым будзе сёлета здзіўляць новы A-Fest.

Чырвоны ЗІС-8 пяць разоў на дзень праязджае міма знакавых месцаў Мінска: плошчы Свабоды, Музея ВАВ і Траецкага прадмесця, графіці на вуліцы Кастрычніцкай, Асмалоўкі і гістарычнага корпуса "Аліварыі", размешчанага на скрыжаванні вуліц Кісялёва і Багдановіча. Чырвоны цагляны будынак з'яўляецца помнікам прамысловай архітэктуры 19 стагоддзя і броварам з самай працяглай і багатай гісторыяй у Беларусі. Сёння тут размешчаны сучасныя цэха. Пасажыры даведаюцца важныя даты з гісторыі "Аліварыі", ўбачаць барэльеф, прысвечаны самаму вядомаму ўладальніку бровара графу Чапскаму, змогуць запісацца на экскурсію ў адзіны ў краіне музей піваварства, размешчаны ў гэтым жа гістарычным будынку.

Рэтра-аўтобус адпраўляецца ад Ратушы штодня а 12:00, 14:00, 16:00, 18:00 і а 20:00. Экскурсіі праходзяць на рускай і англійскай мовах.

Выбар рэдакцыі

Эканоміка

Ці патаннее жыллё ў наступным годзе?

Ці патаннее жыллё ў наступным годзе?

А што ў сталіцы — тое і ў рэгіёнах.

Спорт

Спартыўны псіхолаг Кацярына Буча распавядае, ці лёгка вырасціць чэмпіёна

Спартыўны псіхолаг Кацярына Буча распавядае, ці лёгка вырасціць чэмпіёна

Як правільна вызначыць від спорту, які падыходзіць для вашага дзіцяці, ці варта ўвогуле прымушаць яго хадзіць на трэніроўкі?

Грамадства

«На паводзіны Любы не было нараканняў». Наколькі складана выхоўваць дзіця з сіндромам Даўна

«На паводзіны Любы не было нараканняў». Наколькі складана выхоўваць дзіця з сіндромам Даўна

Даша нарадзіла раней за тэрмін з дапамогай кесаравага сячэння. 

Грамадства

«Тут у некаторых па дзве вышэйшыя адукацыі». Расказваем, як і чым харчуюцца бяздомныя

«Тут у некаторых па дзве вышэйшыя адукацыі». Расказваем, як і чым харчуюцца бяздомныя

Яны з розных прычын засталіся без дому і сродкаў на пражыванне.