Вы тут

Лукашэнка падпісаў закон аб унясенні змяненняў у Працоўны кодэкс


Прэзідэнт Беларусі Аляксандр Лукашэнка падпісаў закон «Аб змяненні законаў», якім уносяцца змяненні ў Працоўны кодэкс. Аб гэтым паведамілі ў прэс-службе беларускага лідара.


Прыняцце закона накіравана на стварэнне ўмоў для эфектыўнай і гібкай занятасці грамадзян і пашырэнне сацыяльна-працоўных гарантый работнікаў.

Дакументам прадугледжана рэгуляванне парадку часовага пераводу са згоды работніка на іншую работу, у тым ліку да іншага наймальніка. Памер выхадной дапамогі павялічаны да адной сярэднямесячнай заработнай платы, калі звальненне работніка адбылося па прычыне ўстанаўлення няпоўнага працоўнага часу (менш за палавіну нормы). Устаноўлены месячны тэрмін папярэджання работніка аб змяненні істотных умоў працы. Прадастаўлена магчымасць працаваць па сумяшчальніцтве поўны працоўны дзень або змену ў перыяд працоўнага водпуску.

Навацыяй закона з’яўляецца ўключэнне ў Працоўны кодэкс новай главы, якая рэгулюе адносіны работніка і наймальніка пры выкананні дыстанцыйнай работы.

Прымяненне гэтай формы працоўных адносін стала магчымым дзякуючы развіццю інфармацыйных тэхналогій. Дыстанцыйная работа зручная для абодвух бакоў працоўных адносін. Наймальніку не трэба абсталёўваць працоўнае месца, а супрацоўнік можа выконваць работу ў любым месцы, дзе яму зручна.

Замацоўваюцца дадатковыя сацыяльна-працоўныя гарантыі. Гэта, напрыклад, прадастаўленне татам па іх жаданні водпуску (да 14 каляндарных дзён) пры нараджэнні ў сям’і дзіцяці.

У мэтах забеспячэння працоўных правоў работнікаў закон прадугледжвае, што па пагадненні бакоў 5-гадовы кантракт з работнікам, які не дапускае парушэнняў дысцыпліны, будзе прадаўжацца да заканчэння максімальнага тэрміну яго дзеяння. А новы кантракт з такім работнікам будзе заключацца на тэрмін не меншы за тры гады. На меншыя тэрміны кантракты будуць прадаўжацца і заключацца новыя толькі з пісьмовай згоды работніка.

Акрамя таго, у Працоўным кодэксе замацаваны нормы, якія прадугледжваюць, што матэрыяльная адказнасць будзе надыходзіць аднолькава і для тых, хто працуе па кантракце, і для тых, хто па працоўным дагаворы, толькі за наўмыснае прычыненне маёмаснай шкоды. Закон уступіць у сілу праз шэсць месяцаў пасля яго афіцыйнага апублікавання.

Выбар рэдакцыі

Культура

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Беларускаму складніку Тахелеса прысвечаны арт-фестываль «Міфалагема тысячагоддзя», што адкрыўся ў прасторы Ок16 15 жніўня.

У свеце

Як развіваецца глабальнае супрацьстаянне ЗША і Кітая?

Як развіваецца глабальнае супрацьстаянне ЗША і Кітая?

Супярэчнасці ў адносінах паміж Вашынгтонам і Пекінам абвастраюцца, і іх можна смела называць гандлёвай вайной.

Грамадства

Якім павінен быць вучэбны дапаможнік у ХХІ стагоддзі?

Якім павінен быць вучэбны дапаможнік у ХХІ стагоддзі?

З 50 выданняў, якія павінны з'явіцца на школьных партах да 1 верасня, 48 ужо надрукаваныя.

Здароўе

Якія аперацыі беларускія афтальмолагі робяць пры катаракце, глаўкоме і іншых хваробах вачэй

Якія аперацыі беларускія афтальмолагі робяць пры катаракце, глаўкоме і іншых хваробах вачэй

Экзапратэзаванне арбіты не робіцца больш ні ў адной з краін СНД.