Вы тут

Мінскі абласны веласіпедны тур адбыўся ў Мядзельскім раёне


Мінскі абласны веласіпедны тур адбыўся ў Мядзельскім раёне. Маршрут склаў трыццаць адзін кіламетр па шашы і перасечанай мясцовасці. Усяго на веласіпеды селі 600 чалавек. Мерапрыемства прысвечана Году малой радзімы і 75-й гадавіне вызвалення Беларусі ад нямецка-фашысцкіх захопнікаў.


Стартаваў тур у дзіцячым цэнтры «Зубраня». Яго ўдзельнікі зрабілі два прыпынкі — у курортным пасёлку Нарач і каля помніка ў вёсцы Мінчакі воінам, загінулым у гады Вялікай Айчыннай вайны. Там былі ўскладзены кветкі. Галоўная ідэя мерапрыемства — не толькі папулярызацыя здаровага ладу жыцця, але і выхаванне беражлівых адносін да памяці абаронцаў Айчыны.

Усяго ў заездзе прыняло ўдзел больш за трыццаць камандаў: работнікі структурных падраздзяленняў Мінаблвыканкама, апаратаў гар-і райвыканкамаў, старшыні раённых і Жодзінскага гарадскога Саветаў дэпутатаў, прадстаўнікі сілавых структур, прадпрыемстваў і арганізацый, грамадскіх аб'яднанняў.

Пасля заканчэння туру яго ўдзельнікаў і жыхароў райцэнтра чакаў канцэрт на набярэжнай возера Мястра на сцэне амфітэатра.

Таццяна ЛАЗОЎСКАЯ

 

Выбар рэдакцыі

Грамадства

Гомельскія вучоныя расшыфравалі геном жука-караеда

Гомельскія вучоныя расшыфравалі геном жука-караеда

Каля 80 тысяч гектараў хваёвых лясоў Беларусі за апошнія тры гады пацярпелі ад высыхання — іх пашкодзіў жук-караед.

Грамадства

Пісьменніца Ганна Альхоўская: Часам дзеля будучыні дзяцей і трэба скасаваць шлюб

Пісьменніца Ганна Альхоўская: Часам дзеля будучыні дзяцей і трэба скасаваць шлюб

Развітацца з мужам і не помсціць яму, а пачаць новае жыццё.