У лістападзе 2017 года ў органы ўнутраных спраў паступіла заява жыхаркі Слоніма аб невядомым знікненні яе 61-гадовага брата, які пайшоў з дому і не вярнуўся. У ходзе праведзеных праверачных мерапрыемстваў месцазнаходжанне мужчыны ўстаноўлена не было. Праз дзесяць сутак з моманту падачы заявы аб яго знікненні Слонімскі раённы аддзел Следчага камітэта распачаў крымінальную справу па гэтым факце, інфармуе тэлеграм-канал ведамства.
Следчыя высветлілі, што зніклы доўгі час пражываў з сям'ёй за межамі краіны, у Слонім вярнуўся адзін і жыў у доме памерлых бацькоў. З сястрой меў зносіны рэдка, злоўжываў спіртнымі напоямі. Прынятымі мерамі першапачаткова месцазнаходжанне мужчыны ўстаноўлена не было.
У ліпені 2019 г. была атрымана аператыўная інфармацыя аб тым, што, магчыма, яго забілі. Падазраваным стаў 58-гадовы жыхар Слоніма, які кантактаваў са зніклым. У далейшым гэтая версія знайшла сваё пацверджанне. Падазраваны прызнаўся ў злачынстве і паведаміў, што забіў мужчыну 9 мая 2017 года ў яго доме ў ходзе канфлікту, які ўзнік пры сумесным распіванні спіртных напояў, пасля чаго закапаў цела ў двары.
Падчас агляду тэрыторыі, у паказаным падазраваным месцы, следчыя і эксперты выявілі закапанае ў зямлі цела чалавека, падобнага па прыкметах са зніклым.
Падазраваны затрыманы. Расследаванне працягваецца.
Інтэрв'ю з алімпійскім чэмпіёнам па фехтаванні.
Прафесійна, аператыўна, па-добраму.