Цікавую і адначасова павучальную інфармацыю размясціла на сваім сайце Група інфармацыі і грамадскіх сувязяў УУС Гродзенскага аблвыканкама.
Жыхар Смаргонскага раёна 1969 года нараджэння падазраецца ў здзяйсненні ашуканскіх дзеянняў. З'яўляючыся індывідуальным прадпрымальнікам, ён займаўся развядзеннем пародзістых сабак, якіх рэалізоўваў па ўсёй вобласці. Афіцыйна афармляў дамовы куплі-продажу, плаціў падаткі, як таго і патрабуе закон. Ішоў час, і гаспадары, якія набылі шчанюкоў «нямецкай аўчаркі», зразумелі, што іх гадаванцы далёка не высакароднай крыві, а значыць, яны пераплацілі. Кошт аднаго шчанюка, дарэчы, даходзіў да 700 рублёў (у сярэднім яны каштуюць 250—370 рублёў).
Былі праведзены адпаведныя даследаванні з прыцягненнем спецыялістаў, па выніках якіх праваахоўнікі высветлілі, што мужчына проста падманваў пакупнікоў. Сваёй проціпраўнай дзейнасцю, якая налічвае вялікую колькасць эпізодаў, ён займаўся ў перыяд з 2014 да 2018 года. Па частцы 1 артыкула 209 КК РБ «Махлярства» распачата крымінальная справа.
Канстанцін ЛЮТКЕВІЧ
Размову з Аляксандрам мы пачалі з самага надзённага.
У апошнія гады тэма раўнапраўя паміж мужчынамі і жанчынамі перажывае новую хвалю росквіту.
Змяненні ў першую чаргу заўважаюць самі гродзенцы.
