Вы тут

Сённяшні нумар «Мясцовага самакіравання» прысвечаны Гродзеншчыне


У верасні Гродзенская вобласць адзначыць знамянальную падзею — 75-годдзе свайго заснавання. Да юбілею вобласць атрымае нямала падарункаў. Да гэтай даты ўводзяцца чатыры сацыяльна значныя аб'екты — дзве школы, дзіцячы садок і Палац творчасці. У Гродне будуць адкрыты новыя маршруты, парк грамадскага транспарту папоўняць 10 аўтаномных тралейбусаў.


Напярэдадні свята ў раёнах пройдуць дні прадпрыемстваў. У рэгіёне нямала значных прадпрыемстваў, чыя прадукцыя вядомая і папулярная ў краіне. Будуць ушанаваны найлепшыя працаўнікі ўсіх сфер дзейнасці, заслужаныя работнікі — прыклад прафесіяналізму і адданасці справе.

Убачаць свет дзевяць новых выданняў, якія прысвечаны Гродзеншчыне. У рэгіёне будзе ажыццяўляцца праект «На мяжы гісторыі», які ўключае ў сябе больш за 70 захапляльных і пазнавальных вандровак па самых цікавых мясцінах Прынёмання. Такія экскурсіі пройдуць ва ўсіх раёнах і стануць прэзентацыяй новых турыстычных маршрутаў. Велічным абяцае быць і заключнае мерапрыемства, якое адбудзецца 20 верасня ў абноўленай зале абласной філармоніі. У ім прымуць удзел ганаровыя госці, а таксама дэлегацыі з усіх раёнаў.

«Звязда» таксама не застанецца ўбаку ад гэтай важнай падзеі. Сёння мы даём старт сумеснаму праекту нашага выдання і мясцовых уладаў Гродзеншчыны. Мы раскажам, як жывуць і працуюць жыхары Іўя, горада, які называюць «сталіцай татар». Здзейснім падарожжа ў Мір, каб даведацца, як развіваецца турыстычная інфраструктура. Пройдзем па безбар'ерным Гродне, дзе вырашаюцца праблемы інклюзіўнага пражывання. А яшчэ завітаем у зялёны куток жылога мікрараёна, дзе створаны сапраўдны дэндрарый, таксама пазнаёмімся з актыўнай жанчынай, начальнікам камітэта тэрытарыяльнага грамадскага самакіравання, якая імкнецца абудзіць ініцыятыву жыхароў.

Мы будзем працягваць праект і знаёміць нашых чытачоў з Гродзенскім рэгіёнам напярэдадні яго слаўнага юбілею.

Маргарыта УШКЕВІЧ

Загаловак у газеце: Жыццё віруе на памежжы

Выбар рэдакцыі

Грамадства

​Моладзь пры ўладкаванні на працу жадае заробак у тысячу рублёў

​Моладзь пры ўладкаванні на працу жадае заробак у тысячу рублёў

Хоць толькі збіраюцца выйсці на рынак працы.

Калейдаскоп

Чым Адэса прываблівае турыстаў

Чым Адэса прываблівае турыстаў

Гэта — недарагі адносна іншых курортаў адпачынак.

Грамадства

Як апынуцца ў раннім Сярэднявеччы?

Як апынуцца ў раннім Сярэднявеччы?

Ці сапраўды ў акваторыі сучаснага горада можна ўбачыць і нават праплыць на парусніку вікінгаў?

Грамадства

На Пастаўшчыне адбыўся інклюзіўны фестываль

На Пастаўшчыне адбыўся інклюзіўны фестываль

Для дзяцей з абмежаванымі магчымасцямі «Асаблівыя, як усе».