Вы тут

Дэпутаты Міншчыны адкрытыя да супрацоўніцтва


Пагадненне аб супрацоўніцтве паміж Мінскім абласным Саветам дэпутатаў і Заканадаўчым сходам Свярдлоўскай вобласці падпісана падчас VІ Форуму рэгіёнаў Беларусі і Расіі ў Санкт-Пецярбургу. Дакумент прадугледжвае ўзмацненне супрацоўніцтва ў сферы нарматворчай і дэпутацкай дзейнасці. Гэта мае на мэце абмен тэкстамі нарматыўных прававых актаў, іх праектаў, аналітычнымі, метадычнымі і іншымі матэрыяламі, развіццё прамых кантактаў паміж дэпутатамі, пастаяннымі камітэтамі і камісіямі, правядзенне сумесных канферэнцый, семінараў, сустрэч.


Акрамя таго, старшыня абласнога Саветаў дэпутатаў Наталля Якубіцкая выступіла з прапановай у межах наступнага Форуму рэгіёнаў Беларусі і Расіі падпісаць міжпарламенцкае пагадненне з калегамі Рэспублікі Татарстан. Старшыня Дзяржаўнага Савета Фарыд Мухаметшын падтрымаў ініцыятыву і выказаў гатоўнасць да ўмацавання парламенцкіх сувязяў з беларускімі партнёрамі.

У межах работы секцыі з дакладам таксама выступіла старшыня Жодзінскага гарадскога Савета дэпутатаў Наталля Сушко. Яна адзначыла, што горад фарміруе больш як 13 % аб'ёмаў прамысловай вытворчасці Міншчыны. Жодзіна адкрыты для расійскіх партнёраў і ўжо мае пяць дагавораў аб супрацоўніцтве. Для павышэння інвестыцыйнай прыцягальнасці два зямельныя ўчасткі, размешчаныя на тэрыторыі горада, увайшлі ў склад свабоднай эканамічнай зоны «Мінск».

— Мы гатовы выдзеліць гэтыя тэрыторыі расійскім кампаніям для стварэння буйных вытворчасцяў з даваннем падатковых ільгот, а таксама прапанаваць расійскім інвестарам свабодныя зямельныя ўчасткі для рэалізацыі сваіх праектаў, — падкрэсліла Наталля Сушко.

Таццяна ЛАЗОЎСКАЯ

Выбар рэдакцыі

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.

Грамадства

Неспадзяваныя падарожжы. Як не згубiцца ў лесе?

Неспадзяваныя падарожжы. Як не згубiцца ў лесе?

Цёплае i вiльготнае надвор'е, якое вось ужо чацвёрты тыдзень з невялiкiмi перапынкамi пануе ў Беларусi, штурхае да таго, каб пайсцi ў лес.