На гэтым тыдні ў Беларусі ідуць дажджы, і слупок тэрмометра вагаецца ў асноўным каля адзнакі ў 20—25 градусаў цяпла.
Гэта адпавядае кліматычнай норме. Але ўжо з суботы на нашу краіну пачне накатваць хваля спякотнага паветра. Падрабязней пра надвор'е расказалі спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Надвор'е ў пятніцу будзе мала адрознівацца ад таго, якое пануе апошнія дні. На большай частцы тэрыторыі чакаюцца кароткачасовыя дажджы. У асобных раёнах прагрымяць навальніцы. Тэмпература паветра — ад плюс 21 да плюс 26.
А вось у суботу ападкаў чакаецца ўжо значна меней. Яны закрануць толькі асобныя раёны. Пацяплее на пару градусаў. У нядзелю сіноптыкі ападкаў і ўвогуле не абяцаюць. Уначы тэмпература асабліва не зменіцца — будзе ад 13 да 18 градусаў цяпла. Удзень жа пацяплее яшчэ крыху ў параўнанні з суботай. Па поўдні слупкі тэрмометраў дацягнуцца да 30-градуснай адзнакі.
Валяр'ян ШКЛЕННІК
Мерапрыемства праводзіцца на добраахвотнай аснове.
Не выявіць ні секунды абыякавасці.