Вы тут

Хутаранская наезніца


Яўгеніі Серафімовіч дваццаць гадоў, пятнаццаць з іх яна сябруе са Спірэяй — кабылай белай масці, спакойнай, паслухмянай і з добрым характарам. На ёй у свае дзевяць гадоў Жэня вучылася верхавой яздзе, нават гарцаваць па ўзгорках і лясных сцежках. Цяпер дзяўчына і яе белагрывая прыгажуня Спірэя вучаць дзяцей і дарослых упэўнена сядзець у сядле. Сёлета гаспадыня са сваёй падапечнай наладжваюць змястоўныя адпачынкі турыстам, якія летам базіруюцца на беразе возера Супонец, што на Глыбоччыне. На гэтым фота Яўгенія са сваёй сяброўкай Спірэяй і яе жарабяткам Суражам.


Разумець статных і прыгожых коней Яўгенію навучыў бацька, які ў свой час стаў жыхаром хутара Скрабатуны на Паазер'і і распачаў конегадоўлю. У маладой сям'і Серафімовічаў Яўгенія была першым дзіцем, і забавай для хутарской дзяўчынкі сталі не толькі лялькі, але і жывыя коні. Бацька давяраў дачцэ даглядаць табун, вадзіць буланых на вадапой, чысціць жывёл. Пасля школы Яўгенія паступіла ў Лужаснянскі аграрны каледж па спецыяльнасці ветэрынарыя, пасля працавала ў суседнім сельгаспрадпрыемстве. Цяпер завочна вучыцца ў Віцебскай акадэміі ветэрынарнай медыцыны і марыць адкрыць сваю ветлячэбніцу, а таксама школу верхавой язды, арганізоўваць конныя прагулкі і паходы па азёрах і незвычайным паазерскім ландшафце. Дзяўчына дапамагае бацькам, бо ў сялянска-фермерскай гаспадарцы і аграсядзібе «Конны фальварак» утрымліваецца тры дзясяткі коней пароды беларуская запражная. Некалькі гадоў таму Яўгенія са сваімі малодшымі братамі Віктарам і Міхаілам узвялі летні манеж для заняткаў: трэба вучыць людзей любіць коней.

Анатоль КЛЯШЧУК, фота аўтара

Глыбоцкі раён

Выбар рэдакцыі

Культура

Дзяніс Раманюк: Я раблю этнаграфію «дваццаць пятым» кадрам

Дзяніс Раманюк: Я раблю этнаграфію «дваццаць пятым» кадрам

Пышныя альбомы, выдадзеныя Дзянісам Раманюком, з задавальненнем трымаюць у хатніх бібліятэках як беларусы, бо адчуваюць гонар за краіну, так і замежнікі, бо невядомую культуру даследуюць праз высакакласны кніжны твор.

Спорт

Барэц Максім Нягода: Пасля кожнага медаля трэба пачынаць з нуля

Барэц Максім Нягода: Пасля кожнага медаля трэба пачынаць з нуля

Барысаўчанін са шматдзетнай сям'і стаў чэмпіёнам кантынента.

Грамадства

«Прэферэнцыі, якія атрымалі вайскоўцы, абумоўлены выказанымі імі думкамі»

«Прэферэнцыі, якія атрымалі вайскоўцы, абумоўлены выказанымі імі думкамі»

«Армія — школа мужнасці, грамадзянскасці і патрыятызму». Паводле сацыялагічнага апытання, з гэтым сцвярджэннем згодны 86 п

Культура

Хто спявае па-беларуску?

Хто спявае па-беларуску?

Адмысловы плэйліст “Звязды” да Дня роднай мовы.