Вы тут

Якія грошы раней выкарыстоўвалі ў Кітаі?


2 жніўня а 17-й гадзіне ў Нацыянальным гістарычным музеі Беларусі адбудзецца адкрыццё міжнароднай выстаўкі «Старажытныя грошы Усходу — срэбра і папера». Экспазіцыя ладзіцца сумесна з Шэньянскім фінансавым музеем (Кітайская Народная Рэспубліка).


Шэньянскі фінансавы музей знаходзіцца ў сталіцы правінцыі Ляанін горадзе Шэньян. Гэта адзін з самых буйных і папулярных у Кітаі музеяў фінансавага профілю, які беражліва захоўвае традыцыі камерцыйнай і дзелавой сталіцы паўночнага ўсходу КНР. У 2018 годзе Шэньянскі фінансавы музей падпісаў дагавор аб супрацоўніцтве з Нацыянальным гістарычным музеем Беларусі.

Музей валодае ўнікальнай калекцыяй з больш чым 6000 манет, банкнотаў, зліткаў каштоўных металаў і іншых грашовых сродкаў, якія выкарыстоўваліся ў Кітаі з самых старажытных часоў і да нашых дзён.

На выстаўцы ў Мінску будуць прадстаўлены дакладныя копіі грашовых адзінак Кітая, срэбных зліткаў і банкнот ад эпохі дынастыі Тан (VІІ — X стагоддзі) да канца праўлення дынастыі Цын (пачатак ХХ стагоддзя). Арыгіналамі будуць прадстаўлены сучасныя калекцыйныя манеты і банкноты КНР, якія дэманструюць захаванне традыцый старажытных майстроў.

Выстаўка «Старажытныя грошы Усходу — срэбра і папера» пазнаёміць аўдыторыю з асаблівасцямі традыцыйнай фінансавай сістэмы Кітая. Экспазіцыя пакажа, якую ролю ў эканоміцы кітайскай цывілізацыі выконвалі срэбраныя зліткі, як паўсталі і развіваліся папяровыя грошы, што здзівілі і ўразілі ў свой час Марка Пола.

Наведвальнікі адкрыюць для сябе малавядомыя старонкі гісторыі старажытнай цывілізацыі, убачаць сучасныя грашовыя сродкі Кітайскай Народнай Рэспублікі.

Сумесны выставачны праект Нацыянальнага гістарычнага музея Беларусі і Шэньянскага фінансавага музея будзе садзейнічаць паглыбленню сяброўства паміж Беларуссю і Кітаем, дазволіць народам нашых краін лепш даведацца адзін аднаго.

Выстаўка будзе працаваць да 18 жніўня.

Варвара ГОМАН

Загаловак у газеце: Усход — справа тонкая

Выбар рэдакцыі

Культура

Дзяніс Раманюк: Я раблю этнаграфію «дваццаць пятым» кадрам

Дзяніс Раманюк: Я раблю этнаграфію «дваццаць пятым» кадрам

Пышныя альбомы, выдадзеныя Дзянісам Раманюком, з задавальненнем трымаюць у хатніх бібліятэках як беларусы, бо адчуваюць гонар за краіну, так і замежнікі, бо невядомую культуру даследуюць праз высакакласны кніжны твор.

Спорт

Барэц Максім Нягода: Пасля кожнага медаля трэба пачынаць з нуля

Барэц Максім Нягода: Пасля кожнага медаля трэба пачынаць з нуля

Барысаўчанін са шматдзетнай сям'і стаў чэмпіёнам кантынента.

Грамадства

«Прэферэнцыі, якія атрымалі вайскоўцы, абумоўлены выказанымі імі думкамі»

«Прэферэнцыі, якія атрымалі вайскоўцы, абумоўлены выказанымі імі думкамі»

«Армія — школа мужнасці, грамадзянскасці і патрыятызму». Паводле сацыялагічнага апытання, з гэтым сцвярджэннем згодны 86 п

Культура

Хто спявае па-беларуску?

Хто спявае па-беларуску?

Адмысловы плэйліст “Звязды” да Дня роднай мовы.