Вы тут

У БДПУ і БНТУ адзначаюць рост прахадных балаў


Напрыканцы мінулага тыдня ва ўсіх беларускіх ВНУ завяршылася залічэнне на бюджэтную форму навучання.


Фота Ганны Занкавіч.

Як ужо паведамлялася раней, сёлета адбыўся першы набор у сумесны беларуска-кітайскі інстытут БДУ і Даляньскага політэхнічнага ўніверсітэта. Прахадны бал на спецыяльнасць «фізіка (вытворчая дзейнасць)» склаў 322, а на спецыяльнасці «механіка і матэматычнае мадэляванне» — 305 балаў.

Традыцыйна адны з самых высокіх прахадных балаў зафіксаваныя ў БДУ на факультэце міжнародных адносін, эканамічным і факультэце журналістыкі. Так, на спецыяльнасць «лінгвакраіназнаўства» прахадны бал склаў 378, «міжнародныя адносіны» — 379, «міжнароднае права» — 385. На журфаку прахадныя балы былі наступныя: «журналістыка (кірунак — аўдыёвізуальная)» — 389, «журналістыка (кірунак — вэб-журналістыка)» — 382. А для паступлення на спецыяльнасць «менеджмент» (кірунак — «міжнародны менеджмент, інавацыйны менеджмент») трэба было набраць не менш як 371 бал. Дарэчы, менавіта на факультэт міжнародных адносін падала дакументы абітурыентка з сумай балаў 399.

У Беларускім нацыянальным тэхнічным універсітэце прахадныя балы на шматлікія тэхнічныя спецыяльнасці павялічыліся ўдвая ў параўнанні з 2018 годам. Так, напрыклад, на спецыяльнасць «шматмэтавыя гусенічныя і колавыя машыны» прахадны парог склаў 222 балы (летась 109), «апрацоўка металаў ціскам» — 210 балаў (летась было крыху больш як 100 балаў).

На спецыяльнасці «маркетынг» конкурс у БНТУ дасягнуў 5,5 чалавека на месца, «аўтасэрвіс» — 4,93. У ліку найбольш запатрабаваных у абітурыентаў спецыяльнасцяў таксама «праграмнае забеспячэнне інфармацыйных сістэм», «інфармацыйныя сістэмы і тэхналогіі», «прамысловае і грамадзянскае будаўніцтва», «транспартная лагістыка», «тэхнічная эксплуатацыя аўтамабіляў», «тэхналогіі машынабудавання», «арганізацыя перавозак і кіраванне на аўтамабільным і гарадскім транспарце».

У БДУІР прахадныя балы на дзённай форме атрымання адукацыі вагаюцца на факультэтах ад 296 да 364. Студэнтамі БДУІР сталі 85 абітурыентаў, якія набралі 370 балаў і больш. Максімальныя балы склаліся на спецыяльнасці «інфармацыйныя сістэмы і тэхналогіі (у гульнявой індустрыі)» — 364 (конкурс — 6,7 чалавека на месца), электронны маркетынг — 363 (3,2 чалавека на месца) і «праграмнае забеспячэнне інфармацыйных тэхналогій» — 359 (3,7 чалавека на месца).

Мінімальны прахадны бал зафіксаваны на спецыяльнасцях «электронныя і інфармацыйна-кіруючыя сістэмы фізічных установак» — 296, «нанатэхналогіі і нанаматэрыялы ў электроніцы» — 300 і «радыётэхніка (праграмуемыя радыёэлектронныя сродкі)» — 304.

Рэкорд сёлетняй прыёмнай кампаніі ў БДУІР — 390 балаў: столькі набрала ў суме будучая першакурсніца факультэта інфармацыйных тэхналогій і кіравання спецыяльнасці «інфармацыйныя сістэмы і тэхналогіі (у гульнявой індустрыі)» Аляксандра Іванковіч.

У Беларускім дзяржаўным педагагічным універсітэце сярэдні конкурс па ВНУ склаў больш за два чалавекі на месца. На некаторых спецыяльнасцях на месца прэтэндавала да 10 чалавек (у прыватнасці, на спецыяльнасці «руская мова і літаратура. Замежная мова»), а напрыклад, на спецыяльнасці «выяўленчае мастацтва і камп'ютарная графіка» было больш як восем прэтэндэнтаў на месца.

Сярод будучых першакурснікаў — больш за паўтары сотні медалістаў і ўладальнікаў дыпломаў ССНУ з адзнакай. У БДПУ паступілі таксама больш як 210 выпускнікоў профільных педагагічных класаў (з іх каля 130 чалавек скарысталіся правам паступлення без іспытаў па выніках гутаркі; сярэдні бал атэстата ў выпускнікоў педкласаў — 8,9). Рост прахадных балаў назіраецца амаль па ўсіх спецыяльнасцях (максімальны прырост склаў 115 пунктаў). Самыя высокія прахадныя балы на дзённую бюджэтную форму навучання зафіксаваныя на спецыяльнасцях «выяўленчае мастацтва і камп'ютарная графіка» — 322, «лагапедыя» — 314, «руская мова і літаратура» — 306, «псіхалогія» — 305, «практычная псіхалогія» — 304.

Беларускі дзяржаўны педагагічны ўніверсітэт аказаўся прывабным не толькі для дзяўчат. Напрыклад, на факультэце фізічнага выхавання хлопцаў налічваецца 65 % ад агульнай колькасці першакурснікаў, на гістарычным факультэце — каля 50 %, а на фізіка-матэматычным — больш за 40 %.

Надзея НІКАЛАЕВА

Загаловак у газеце: У трэндзе — праграмісты і журналісты

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.