Вы тут

Біяразнастайнасць - залог выжывання на планеце Зямля


Фота Аляксандры Дзятлавай

Мёртвая драўніна ў лясах выконвае шмат экалагічных функцый. Яна дазваляе захоўваць біялагічную разнастайнасць і глебавую ўрадлівасць, абмяжоўвае колькасць шкоднікаў і хваробаў лесу. У той жа час не ўся мёртвая драўніна аднолькава карысная – свежыя бураломныя, сухастойныя і пашкоджаныя пажарам дрэвы часта засяляюцца небяспечнымі відамі стваловых шкоднікаў. Як знайсці баланс, колькі такой драўніны выдаляць з лесу і колькі яе пакідаць, – у матэрыяле Вольгі Пралюк “Мёртвая драўніна: “за” і “супраць”.

Маленькіх чырванавухіх чарапашак даволі часта можна ўбачыць у горадзе: іх прадаюць каля падземных пераходаў, на рынках і ў іншых папулярных месцах. Прыгожую, невялікую па памерах рэптылію часта выбіраюць у якасці хатняга гадаванца, не ведаючы пра яе біялагічныя асаблівасці. А праз некаторы час гаспадары ўжо шукаюць для жывёлы іншае месца жыхарства ці проста выкідваюць у натуральныя вадаёмы. Якія наступствы могуць мець такія ўчынкі і чаму небяспечна заводзіць экзота, не валодаючы поўнай інфармацыяй пра яго, чытайце ў матэрыяле “Чырванавухая пагроза” вядучага супрацоўніка НПЦ НАН Беларусі па біярэсурсах Алега Барадзіна.

Які клас жывёл з’яўляецца самым шматлікім на тэрыторыі нашай краіны, ды і ва ўсім свеце? Што ўплывае на скарачэнне відаў флоры і фаўны? Ці знаходзяць вучоныя новыя месцы жыхарства здавалася б ужо зніклых прадстаўнікоў жывёльнага і расліннага свету? Адказы на гэтыя і іншыя пытанні – у матэрыяле Вольгі Пралюк “Наш свет – гэта разнастайнасць у адзінстве”.

“Не пустазелле, а каштоўная сыравіна” – кажуць пра трыснёг настаўнікі і вучні сярэдняй школы №2 гарадскога пасёлка Зэльва Гродзенскай вобласці. Іх праект Znova паказвае, як можна выкарыстоўваць гэтую расліну і тым самым дапамагчы захаваць беларускія лясы і вадаёмы, скараціць колькасць пластыку, а таксама забяспечыць працай мясцовых жыхароў (аўтар – Кацярына Цітова).

У Беларусі шукаюць хамякоў, суслікаў і вавёрак-палятух, якія амаль зніклі з тэрыторыі нашай краіны. Ініцыятыву распачала прыродаахоўная грамадская арганізацыя “Ахова птушак Бацькаўшчыны” у межах праекту “Экаманіторынг”. Каб захаваць рэдкіх звяркоў, спецыялісты просяць дапамогі ва ўсіх неабыякавых. Як дапамагчы – ў матэрыяле Кацярыны Цітовай “Супергрызуны – сярод нас!”.

На старонках ліпеньскага нумара часопіса можна таксама прачытаць, якая каштоўная прадукцыя атрымліваецца пасля перапрацоўкі смецця на наваполацкім спецыялізаваным прадпрыемстве; якія праблемы для водных рэсурсаў нашай краіны нясе змена клімату; што такое “цыркулярная эканоміка”; чым збіраецца прывабіць турыстаў пасека ў Цэнтральным батанічным садзе НАН Беларусі і шмат іншага.

Запрашаем вас адказаць на пытанні нашай чарговай апытанкі “Жыццё без пластыку”.

Выбар рэдакцыі

Грамадства

Карэспандэнт «Звязды» высвятляла, чаму так цёмна на асветленых вуліцах Магілёва

Карэспандэнт «Звязды» высвятляла, чаму так цёмна на асветленых вуліцах Магілёва

Вечарам прайсціся ўздоўж цэнтральнай вуліцы Першамайскай у Магілёве адно задавальненне.

Спорт

Баскетбаліст Бенджамін-Павел Дуду: У Гане мяне называлі белым

Баскетбаліст Бенджамін-Павел Дуду: У Гане мяне называлі белым

Мама Бена — беларуска, тата — ураджэнец Ганы.

Эканоміка

Куды звяртацца, калі грамадзяніну затрымліваюць зарплату?

Куды звяртацца, калі грамадзяніну затрымліваюць зарплату?

Адказ на гэта і іншыя пытанні — у гутарцы з Дзмітрыем Шаўчуком.