Вы тут

У дырэкцыі фестывалю «Славянскі базар» падвялі вынікі


У дырэкцыі самага маштабнага на постсавецкай прасторы Міжнароднага фестывалю мастацтваў «Славянскі базар» падвялі вынікі.


Фота Ганны Занкавіч.

Кіраўнік дырэкцыі Глеб Лапіцкі расказаў, у прыватнасці, што сёлета прыблізна на 10 % больш рэалізавалі білетаў — каля 72 тысяч. Акрэдытацыю атрымала каля 5270 чалавек. Усяго адбылося больш за 160 мерапрыемстваў. А дзякуючы магчымасці прыехаць на фэст у рамках бязвізавага рэжыму Віцебск наведалі прыблізна восем тысяч турыстаў. Вельмі добра разыходзіліся білеты на латвійскай анлайн-платформе продажу — каля 1270 (для параўнання: летась іх рэалізавалі прыблізна 50). У дырэкцыі «Базару» паведамілі, што цяпер будуць рэкламаваць аналагічную магчымасць у Літве і Эстоніі.

Глеб Лапіцкі падзякаваў валанцёрам, якія ўпершыню працавалі на «Базары». Усяго іх было каля 190, а самая старэйшая нарадзілася ў 1940 годзе! На наступным фестывалі, магчыма, будуць задзейнічаны не толькі віцебскія валанцёры, але і памочнікі з іншых гарадоў і нават краін. (Сёлета, дарэчы, у фэсце бралі ўдзел прадстаўнікі 42 дзяржаў.) Вельмі шмат людзей сачыла за падзеямі фэсту ў інтэрнэце. Напрыклад, сайт «Базару» ў дні яго правядзення наведала 223 тысячы чалавек, а колькасць праглядаў перавысіла 600 тысяч.

Глеб Лапіцкі анансаваў новы праект, які цэнтр культуры «Віцебск» правядзе зімой адразу пасля Каляд. Пра тое, якім ён будзе, інфармацыя пакуль не распаўсюджваецца. Можна, напэўна, дакладна назваць яго «зімовым рэхам фестывалю».

Аляксандр ПУКШАНСКІ

Загаловак у газеце: ...І зімовае рэха «Базару»

Выбар рэдакцыі

Грамадства

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

Такога кшталту справа ў судзе Кастрычнiцкага раёна Гродна разглядаецца ўпершыню.

Грамадства

Iмплантацыя зубоў: цi ёсць падставы для страху i сумненняў?

Iмплантацыя зубоў: цi ёсць падставы для страху i сумненняў?

Урачы папярэджваюць: нават калi з нейкiх прычын прыйшлося выдалiць адзiн зуб, яму патрэбная замена. 

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Праўду кажуць: няма лесу без ваўка, а сяла без злодзея.

Грамадства

«Лепшы цюнінг для машын — правільны пратэктар шын»

«Лепшы цюнінг для машын — правільны пратэктар шын»

Менавіта пад такім слоганам будзе праводзіцца Рэспубліканская прафілактычная акцыя, якая ініцыяваная на нашых дарогах Дзяржаўтаінспекцыяй краіны.