Вы тут

Перспектывы акрэслены


I Форум рэгіёнаў Беларусі і Узбекістана адбудзецца ў Мінску з 29 па 30 ліпеня


Падтрымка міжнародных кантактаў як вектар паспяховага развіцця. Такім прынцыпам карыстаецца Беларусь у адносінах да краін-сяброў, якім таксама важна быць на крок наперадзе. У хуткім часе ў Мінску чакаецца важная падзея: з 29 па 30 ліпеня адбудзецца I Форум рэгіёнаў Беларусі і Узбекістана, пасля якога нашу краіну ўпершыню наведае Прэзідэнт Узбекістана Шаўкат Мірзіёеў. Напярэдадні форуму ў прэсцэнтры Дома прэсы падрабязнасцямі будучага мерапрыемства падзяліўся падчас брыфінгу Надзвычайны і Паўнамоцны Пасол Узбекістана Насірджан Юсупаў.

Зараз працягваецца падрыхтоўка да візіту Прэзідэнта Узбекістана ў нашу краіну, які адбудзецца з 31 ліпеня па 1 жніўня. Плануецца, што кіраўнік узбекскай дзяржавы наведае шэраг беларускіх прадпрыемстваў. Верагодна, адной з кропак стане Парк высокіх тэхналогій, досведам якога зацікавіліся ў паўднёвай рэспубліцы. Візіту папярэднічае таксама шэраг іншых маштабных міждзяржаўных мерапрыемстваў. Напрыклад, абмеркаванне вынікаў I Форуму рэгіёнаў нашых краін.

— Падзея падобнага маштабу паміж нашымі краінамі праводзіцца ўпершыню, — адзначыў Насірджан Юсупаў. — Адна з мэт форуму — вывучэнне агульных магчымасцей, перспектыў сумеснай працы. Кожная вобласць Узбекістана і Беларусі знайшла для сябе кропкі прыкладання сіл. Ёсць шмат цікавых напрамкаў, над чым мы можам працаваць.

Надзвычайны і Паўнамоцны Пасол расказаў, што работа форуму будзе падзелена на два блокі. У першы дзень адбудуцца секцыйныя пасяджэнні па трох кірунках: прамысловым, гуманітарным, сельскагаспадарчым. На другі дзень дэлегацыі правядуць пленарнае пасяджэнне, у якім возьмуць удзел кіраўнікі парламентаў абедзвюх краін. У ходзе работы будзе падпісаны шэраг пагадненняў паміж рэгіёнамі Беларусі і Узбекістана.

Таксама падчас работы форуму пройдуць Дні культуры Узбекістана ў Беларусі. 29 ліпеня ў сталіцы адкрыюць помнік-бюст узбекскаму паэту Алішэру Наваі. А 30-га ў будынку Беларускай дзяржаўнай філармоніі пачне працаваць выстаўка ўзбекскіх мастакоў.

— Мы вельмі рады, што на вашай зямлі з’явіцца помнік Алішэру Наваі. Асабліва прыемна, што з ініцыятывай устаноўкі выступіў беларускі бок. Эскіз статуі, дарэчы, выканаў таксама беларускі скульптар, — звярнуў увагу Насірджан Юсупаў. — Культура нашай краіны змястоўная і шматгранная. Мы шануем і ганарымся ёю, таму ўпэўнены — нам будзе чым вас здзівіць. Ва Узбекістане ведаюць, што Беларусь падтрымлівае розныя культурныя ініцыятывы і часта скарыстоўвае магчымасць пазнаёміць свой народ з культурамі іншых краін, таму наша дэлегацыя вельмі адказна рыхтуецца да візіту ў Мінск.

У Дні культуры Узбекістана жыхары і госці сталіцы змогуць убачыць выступленні гуртоў «Яла», «Мумтоз Наво», народнага артыста Узбекістана Фаруха Закірава, заслужанай артысткі Узбекістана Айгуль Надзіравай і іншых выканаўцаў. Гледачы таксама змогуць пазнаёміцца з фотавыстаўкай «Культурная спадчына Узбекістана» і экспазіцыяй дэкаратыўна-прыкладнога мастацтва.

Вікторыя АСКЕРА, фота аўтара

Выбар рэдакцыі

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава. 

Грамадства

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

І аднавяскоўцаў людзей, якія ў час вайны ратавалі сям'ю яе бабулі, жонкі афіцэра Чырвонай Арміі.

Спорт

«Вікторыя», якая робіць з Гродна баскетбольную сталіцу

«Вікторыя», якая робіць з Гродна баскетбольную сталіцу

Гродна — горад з багатай не толькі культурнай, але і баскетбольнай гісторыяй. 

Грамадства

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

Такога кшталту справа ў судзе Кастрычнiцкага раёна Гродна разглядаецца ўпершыню.