Вы тут

Латвію зацікавіў «Вялікі камень»


Больш плённа працаваць на ўзроўні рэгіёнаў

Такую думку выказаў старшыня Савета Рэспублікі Міхаіл Мясніковіч на сустрэчы з Надзвычайным і Паўнамоцным Паслом Латвійскай Рэспублікі ў Беларусі Марціньшам Вірсісам, якая адбылася на пачатку тыдня.


Фота Валерыя Русецкага.

Тэрмін кадэнцыі дыпламата падышоў да заканчэння, таму спікер верхняй палаты беларускага парламента падзякаваў яму за асабісты ўнёсак ва ўмацаванне і развіццё беларуска-латвійскіх адносін і супрацоўніцтва.

— Я мяркую, што той зачын, які быў зроблены дзякуючы вам, будзе добрым прыкладам для вашага пераемніка, — адзначыў Міхаіл Мясніковіч.

Ён звярнуў увагу на тое, што беларускі бок заўсёды будзе імкнуцца да далейшага развіцця двухбаковага супрацоўніцтва і садзейнічаць умацаванню інтарэсаў дзвюх краін на міжнародных пляцоўках.

Дарэчы, тавараабарот, які склаўся летась, дэманструе нядрэнную дынаміку: прыкладна 600 мільёнаў долараў і рост на траціну ў параўнанні з 2017-м.

— Гэта добра, — ахарактарызаваў вынікі двухбаковага гандлю за 2018 год спікер верхняй палаты беларускага парламента і падкрэсліў, што не толькі таварапатокі з'яўляюцца асновай стасункаў: сёння існуе шмат сумесных кампаній, якія вядуць бізнес як у Беларусі, так і ў Латвіі.

— І ў мяне няма такой інфармацыі, што існуюць непераадольныя пытанні ці тыя, што маюць вялікія складанасці ў вырашэнні, — адзначыў ён.

Акрамя эканамічных стасункаў бадай што цэнтральнае месца, на думку старшыні Савета Рэспублікі, займаюць міжпарламенцкія кантакты: візіты і падтрымка рабочага дыялогу — гэта вельмі добры вынік двухбаковага супрацоўніцтва, якое мае перспектывы для свайго далейшага развіцця.

— Я хацеў бы, каб нашы рэгіёны супрацоўнічалі паміж сабой не толькі дзякуючы кантактам з цэнтра, але і на месцах, бо у нас агульная мяжа і шмат навуковых, універсітэцкіх кантактаў, — агучыў пажаданне Міхаіл Мясніковіч. — Нам таксама трэба досыць актыўна працаваць у сферы турызму, у тым ліку выкарыстоўваючы магчымасці курортаў і здраўніц. Мы будзем рады прымаць вашых грамадзян для аздараўлення.

Спікер верхняй палаты беларускага парламента звярнуў увагу на тое, што нашы народы заўсёды былі дастаткова блізкія, нягледзячы на сур'езныя асаблівасці кожнага з іх, але гэта ніколі не выклікала ніякіх супярэчнасцяў.

У сваю чаргу Марціньш Вірсіс адзначыў, што тыя адносіны, што склаліся за час яго кадэнцыі, могуць стаць добрай пляцоўкай для развіцця розных праектаў, як на міжурадавым, так і міжпараламенцкім узроўнях.

Што датычыцца новага пасла, ён адзначыў, што гэта вельмі вопытны дыпламат, які валодае досведам работы ў такіх краінах як ЗША, Кітай, Польшча, Літва і Фінляндыя.

— У нас ёсць цікавасць да праекта «Вялікі камень» і магчымасці далучыцца да ўдзелу ў ім. Тут дастаткова шмат невядомага, але як чалавек, знаёмы з гэтай краінай, ён будзе садзейнічаць гэтаму працэсу, — ахарактарызаваў Марціньш Вірсіс свайго пераемніка, які прыедзе ў Беларусь у пачатку жніўня.

Вольга АНУФРЫЕВА

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.