Вы тут

Эканамічныя інтарэсы Беларусі прасоўвала ва Узбекістане дэлегацыя з Гродзеншчыны


Напярэдадні І Форуму рэгіёнаў Беларусі і Узбекістана дэлегацыя дзелавых колаў Прынёмання наведала гарады цэнтральнаазіяцкай краіны

Па выніках візіту ў рамках форуму падпісана пагадненне паміж Гродзенскім аблвыканкамам і хакіміятамі Самаркандскай і Андыжанскай абласцей Узбекістана аб супрацоўніцтве ў гандлёва-эканамічнай, навукова-тэхнічнай і гуманітарнай сферах.


Фота: «Гродзенская праўда»

Прадстаўнікі мясцовых улад, кіраўнікі кампаній і бізнес-колаў на чале з намеснікам Гродзенскага аблвыканкама Аленай Бубенчык пабывалі ў Ташкенце і Самаркандзе — вузлавых цэнтрах Узбекістана. Падчас сустрэчы ў Ташкенце з саветнікам прэм'ер-міністра Рэспублікі Узбекістан Надзірам Атажонавым былі абмеркаваны перспектыўныя кірункі супрацоўніцтва, у прыватнасці кааперацыя ў лёгкай і харчовай прамысловасці, а таксама сумесная работа па выпуску сельгастэхнікі. Дарэчы, важнае значэнне надавалася менавіта супрацоўніцтву ў галіне лёгкай прамысловасці. Вялася размова са старшынёй асацыяцыі «Узтэкстыльпрам» Ільхомам Хайдаравым аб пашырэнні ўзаемнай дзейнасці ў тэкстыльнай і швейна-трыкатажнай вытворчасці.

У пасольстве Беларусі ва Узбекістане была арганізавана сустрэча з дзелавымі коламі. Гродзенцы перш за ўсё рабілі акцэнт на канкрэтныя праекты і пошук новых партнёраў.

Ёсць падставы развіваць і міжрэгіянальныя адносіны. Узбекістан і Гродзенская вобласць маюць трывалыя стасункі з Сурхандар'інскай вобласцю і Рэспублікай Каракалпакстан Рэспублікі Узбекістан, з якімі падпісаны мемарандумы аб супрацоўніцтве.

У тэму

Гандлёвы абарот паміж Гродзенскай вобласцю і Узбекістанам за мінулы год вырас на 45 % і склаў 15,5 мільёна долараў. Гродзенцы пастаўляюць як прамысловую, так і харчовую прадукцыю. На тэрыторыі рэгіёна працуе амаль 30 арганізацый з узбекскім капіталам. Адным з важных праектаў з'яўляецца стварэнне вертыкальна інтэграванага комплексу па вытворчасці баваўнянай пражы і вырабаў з яе.

Актыўна супрацоўнічаюць з узбекскімі ВНУ гродзенскія ўніверсітэты. У чэрвені падпісана пагадненне аб стварэнні сумеснага факультэта па падрыхтоўцы спецыялістаў паміж Гродзенскім дзяржаўным аграрным універсітэтам і Самаркандскім інстытутам ветэрынарнай медыцыны. Гродзенскі дзяржаўны ўніверсітэт імя Я. Купалы вядзе сумесную работу па праектаванні, будаўніцтве і эксплуатацыі дарог. Ёсць праекты па вывучэнні раслін на забруджаных цяжкімі металамі глебах.

Для пашырэння сувязяў гродзенская дэлегацыя наведала старажытны Самарканд, дзе адбылася сустрэча з кіраўніцтвам вобласці. Гродзенцы пабывалі на буйных аб'ектах рэгіёна — тэкстыльнай і малочнай фабрыках, а таксама на аўтамабільным заводзе, дзе таксама правялі перагаворы.

Узбекскі бок зацікавіла прапанова беларускай дэлегацыі аб стварэнні ў Гродзенскай вобласці сумеснага прадпрыемства па выпуску сельгастэхнікі, адаптаванай да работы ў Цэнтральнай Азіі. Таксама была падтрымана ідэя па арганізацыі сеткі дыстрыб'ютараў па збыце лакафарбавай прадукцыі, вырабаў шклозавода «Неман», сухіх малочных сумясяў. Ёсць перспектывы ў Слонімскага мясакамбіната, які адзіны ў вобласці мае сертыфікат «халяль», што дазваляе выходзіць на рынкі мусульманскіх краін.

Дасягнуты і канкрэтныя пагадненні. Так, вырашана арганізаваць курсы для ўрачоў на базе клінік. Таксама ўзбекскія спецыялісты-жывёлаводы будуць вывучаць тэхналогіі работы на малочнатаварных фермах рэгіёна, для гэтай мэты ў Гродзенскай вобласці вызначаць дзесяць такіх аб'ектаў. Ёсць дагаворы ў сферы турызму. Паміж Узбекістанам і гродзенскім рэгіёнам будзе падрыхтаваны праект супрацоўніцтва і графік наведвання тураператарамі абедзвюх краін.

Распарацавана дарожная карта па рэалізацыі пагаднення паміж Гродзенскай і Самаркандскай абласцямі, якая падпісана падчас візіту ўзбекскай дэлегацыі ў гродзенскі рэгіён.

Маргарыта Ушкевіч

Загаловак у газеце: Ад Гродна да Ташкента

Выбар рэдакцыі

Культура

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Беларускаму складніку Тахелеса прысвечаны арт-фестываль «Міфалагема тысячагоддзя», што адкрыўся ў прасторы Ок16 15 жніўня.

У свеце

Як развіваецца глабальнае супрацьстаянне ЗША і Кітая?

Як развіваецца глабальнае супрацьстаянне ЗША і Кітая?

Супярэчнасці ў адносінах паміж Вашынгтонам і Пекінам абвастраюцца, і іх можна смела называць гандлёвай вайной.

Грамадства

Якім павінен быць вучэбны дапаможнік у ХХІ стагоддзі?

Якім павінен быць вучэбны дапаможнік у ХХІ стагоддзі?

З 50 выданняў, якія павінны з'явіцца на школьных партах да 1 верасня, 48 ужо надрукаваныя.

Здароўе

Якія аперацыі беларускія афтальмолагі робяць пры катаракце, глаўкоме і іншых хваробах вачэй

Якія аперацыі беларускія афтальмолагі робяць пры катаракце, глаўкоме і іншых хваробах вачэй

Экзапратэзаванне арбіты не робіцца больш ні ў адной з краін СНД.