Вы тут

Чатыры беларускія гарады сустрэлі «Радзіва «Прудок» аншлагамі


Гомельскі абласны драматычны тэатр, апроч іншага, стаў адным з месцаў прызначэння гастрольнага тура Купалаўскага тэатра «Палескія хронікі», падчас якога ў чатырох паўднёвых гарадах купалаўцы прадэманстравалі спектакль «Радзіва «Прудок». Брэст, Гомель, Пінск і Калінкавічы — усяго 1200 кіламетраў, шэсць паказаў і шэсцьсот гледачоў. Тур завяршыўся 26 ліпеня, і творчая група абвясціла, што яе паўсюль чакалі аншлагі.


Асновай пастаноўкі, прэм'ера якой адбылася ў маі мінулага года, стала аднайменная кніга Андруся Горвата, што з Мінска пераехаў у вёску Прудок, завёў казу і стаў расказваць у «Фэйсбуку» пра сваё жыццё-быццё. «Радзіва «Прудок» — пэўны феномен — стала адным з самых папулярных беларускіх выданняў за апошнія гады і прыцягнула ўвагу тэатралаў. Да таго ж аказалася, што некаторы час таму аўтар меў непасрэднае дачыненне да Купалаўскага: Андрусь Горват працаваў там дворнікам.

Рэжысёрам спектакля стаў Раман Падаляка, а ролі выканалі Міхась Зуй, Дзмітрый Есяневіч і Святлана Анікей — кожны з іх фігуруе ў другой кнізе Горвата «Прэм'ера» (дарэчы, пастаноўцы на сцэне Купалаўскага тэатра папярэднічаў кароткаметражны фільм «Ягор», рэжысёрам якога быў таксама Раман Падаляка).

Выдадзеная ў 2017 годзе кніга стала цудоўным прыкладам дэцэнтралізацыі сучаснай беларускай культуры, і тэатральны спектакль працягнуў гэты матыў: адразу пасля прэм'еры «Радзіва «Прудок» паехала ў Калінкавічы (а гэта дваццаць кіламетраў ад месца дзеяння), а ў выніку замест адзінкавых выездаў купалаўцы арганізавалі дзесяцідзённыя гастролі. Па два паказы прайшло ў Брэсце і Гомелі, па адным — у Пінску і Калінкавічах. Па словах арганізатараў, агульная колькасць гледачоў спектакля пасля завяршэння туру наблізілася да пяці тысяч.

Генеральным партнёрам пастаноўкі «Радзіва «Прудок», яго паказаў за межамі сталіцы і ў прыватнасці тура «Палескія хронікі» стала кампанія velcom | A1.

Сафія ПАЛЯНСКАЯ

Выбар рэдакцыі

Грамадства

У чым сутнасць вішынгу — аднаго з відаў махлярства

У чым сутнасць вішынгу — аднаго з відаў махлярства

З выкарыстаннем сацыяльнай інжынерыі. 

Культура

Дзяніс Раманюк: Я раблю этнаграфію «дваццаць пятым» кадрам

Дзяніс Раманюк: Я раблю этнаграфію «дваццаць пятым» кадрам

Пышныя альбомы, выдадзеныя Дзянісам Раманюком, з задавальненнем трымаюць у хатніх бібліятэках як беларусы, бо адчуваюць гонар за краіну, так і замежнікі, бо невядомую культуру даследуюць праз высакакласны кніжны твор.

Спорт

Барэц Максім Нягода: Пасля кожнага медаля трэба пачынаць з нуля

Барэц Максім Нягода: Пасля кожнага медаля трэба пачынаць з нуля

Барысаўчанін са шматдзетнай сям'і стаў чэмпіёнам кантынента.

Грамадства

«Прэферэнцыі, якія атрымалі вайскоўцы, абумоўлены выказанымі імі думкамі»

«Прэферэнцыі, якія атрымалі вайскоўцы, абумоўлены выказанымі імі думкамі»

«Армія — школа мужнасці, грамадзянскасці і патрыятызму». Паводле сацыялагічнага апытання, з гэтым сцвярджэннем згодны 86 п