Вы тут

Пасёлак з кітайскім каларытам пабудуюць на Міншчыне


Мінскую вобласць наведала дэлегацыя раёна Юйбэй кітайскага горада Чунцін. Падчас сустрэчы ў Мінаблвыканкаме было падпісана Пагадненне аб стратэгічным супрацоўніцтве, якое прадугледжвае будаўніцтва пасёлка з чунцінскім каларытам у Беларусі.


Прататыпамі забудовы паслужаць сельскае жыллё культуры баюй горада Чунціна і архітэктурныя асаблівасці ўсходняй Сычуані. Паселішча, якое стане ўнікальнай пляцоўкай для ўзаемных абменаў, узвядзе кітайскі інвестар. Месца пад будаўніцтва яшчэ не выбрана. Цяпер інвестарам паказваюць магчымыя свабодныя пляцоўкі на выбар. Як адзначыў намеснік старшыні Мінаблвыканкама Мікалай Рагашчук, гэта прыблізна сто гектараў у Мінскім або Смалявіцкім раёне. Галоўная ўмова — каб аб'ект размяшчаўся непадалёку ад Нацыянальнага аэрапорта «Мінск» і індустрыяльнага парка «Вялікі камень».

У сваю чаргу, у раёне Чунціна з'явіцца пасёлак з беларускім каларытам. Яго створаць кітайскія інвестары. Гэта будзе асаблівы і адзіны беларускі турыстычны комплекс у Кітаі. У якасці аналагаў забудовы і ландшафтных мадэляў выкарыстоўваюцца архітэктурныя аб'екты Мінскай вобласці. Тут будуць ажыццяўляцца турызм, гандаль і культурныя абмены.

Кітайскі бок запэўніў, што беларускі пасёлак у Чунціне з'явіцца праз паўтара года, і выказаў спадзяванне, што і з кітайскім паселішчам на Міншчыне не будзе затрымак.

Пасля афіцыйнай часткі замежныя госці наведалі Кітайска-беларускі індустрыяльны парк «Вялікі камень», парк-музей інтэрактыўнай гісторыі «Сула», агракамбінат «Сноў».

Таццяна ЛАЗОЎСКАЯ

Выбар рэдакцыі

Грамадства

Запусцілі найноўшы спецыялiзаваны комплекс для падрыхтоўкi судовых экспертаў

Запусцілі найноўшы спецыялiзаваны комплекс для падрыхтоўкi судовых экспертаў

Дзяржаўнаму камiтэту судовых экспертыз споўнiлася сем гадоў.

Грамадства

Як захаваць сэрца i сасуды здаровымi

Як захаваць сэрца i сасуды здаровымi

Адным з самых распаўсюджаных захворванняў у свеце з'яўляецца артэрыяльная гiпертэнзiя.

Грамадства

Валанцёр праекта «Дапамога бяздомным»: Цяпло i падтрымка нават праз ежу перадаюцца

Валанцёр праекта «Дапамога бяздомным»: Цяпло i падтрымка нават праз ежу перадаюцца

Яны кормяць гарачымi абедамi больш за сто чалавек, якiя апынулiся на абочыне жыцця.

Грамадства

Чаму трэба праводзiць цеплавую мадэрнiзацыю?

Чаму трэба праводзiць цеплавую мадэрнiзацыю?

У распараджэннi, падпiсаным на мiнулым тыднi кiраўнiком дзяржавы, ёсць пункт, якi датычыцца капрамонту жыллёвага фонду.