Вы тут

Захоп Мсціслаўскага замка і сярэднявечнае катаванне


Адразу пасля коннага міле клуб «Шатландская пяхота» запрасіў усіх на забаўкі жорсткія ды адчайныя. У паказальных адмысловых паядынках байцы клуба расказалі ды паказалі, як змагаліся і гінулі абаронцы радзімы. А танец-адпяванне паўшых перадаў атмасферу жальбы тых часоў. Пасля шатландцы паказалі яшчэ больш каларытнае відовішча. На адным з добраахвотнікаў з гледачоў яны апрабавалі розныя сярэднявечныя спосабы пакарання злачынцы, як гэта рабілася раней на плошчах.


Самае відовішчнае, хаця і вельмі хуткае дзейства — захоп замка — глечачы дачакаліся надвячоркам. Гэта было сапраўднае тэатралізаванае шоў, якое пачалося з танцаў у полі, якімі дзяўчаты адзначалі свята ўраджаю.

Тут наляцелі ворагі лютыя і павялі іх у палон. Абаронцы, як з гораду гэтую крыўду ўбачылі, дык выскачылі адразу на абарону, і пачалася сеча вялікая з нападаючымі. Дзяўчаты змаглі ўцячы ды прытуліцца ў замку. А тым часам на падмогу ворагам лучнікі азіятскія прыйшлі, і абаронцы замка адступілі за сцены.

Раптам набеглі шатландцы ды зруйнавалі абаронныя збудаванні перад замкам, пачаліся стрэлы, крыкі. Неўзабаве яшчэ тэўтонцы падыйшлі са сценабітнай прыладай. А каб пасеяць паніку ў горадзе, тэўтонскія рыцары яшчэ і падпалілі замчышча. Пасля баявым молатам праламілі вароты. І адчыніліся дзверы горада, і запалалі яго сцены. Мсцісаў жа з дрэва ўвесь быў, і пагроза над ім нямалая навісла. І засталося ў абаронцаў два выйсця: ці то рушыць на змаганне, ці застацца ў замчышчы ды згарэць. Усё ж сабраліся абаронцы і выйшлі на апошні бой у поле з ворагам. Ізноў завязалася сутычка вялікая, і перамаглі ўрэшце абаронцы, ды адагналі ворага ад сцен сваіх, а горад патушылі.

Дзеянне атрымалася даволі прыгожым і месцамі рэалістычным. Акрамя сапраўднага агню рыцары так паўваходзілі ў раж, што карысталіся мячамі з вялікім імпэтам. Некалькі даспехаў, што звалілася непадалёк ад мяне, ажно кавалкі зямлі ў паветра падкінулі, на такой хуткасці ляцелі.

— Шыкоўнае мерапрыемства, нам вельмі спадабаўся і турнір, і спаборніцтвы рыцарскія. Арганізатары свята расказваюць гісторыю, і гэта вельмі важна, асабліва для моладзі, якая такім чынам будзе пакрысе цікавіцца гісторыяй края, — лічаць Вольга і Любоў з Магілёва, якія трапілі на фестываль упершыню і былі ў поўным захапленні.

Фестываль скончыўся выступам фольк-гурта Стары Ольса і групы «Адамант» з Падмаскоўя. А вогненнае фэнтэзі-шоў «Dragon» і «StreamShow» і фаер-шоў тэатра агню «Магратэя» з феерверкамі і агнём сталі мастком эмоцый, па якому тыя, у каго яшчэ засталіся сілы, трапілі на сярэднявечную дыскатэку.

Што яшчэ было на фестывалі? Чытайце пра бугурты, танцы і турніры лучнікаў, і глядзіце больш фота. 

Ірына СІДАРОК

Фота аўтара

Выбар рэдакцыі

Грамадства

Жыхар Жодзіна Генадзь Пузанкевіч даехаў на веласіпедзе з Беларусі да Уладзівастока

Жыхар Жодзіна Генадзь Пузанкевіч даехаў на веласіпедзе з Беларусі да Уладзівастока

Ён кожны дзень імкнуўся пераадольваць не менш за сто кіламетраў.

Грамадства

Як «Звязда» парушальнікаў адпачынку з міліцыяй шукала

Як «Звязда» парушальнікаў адпачынку з міліцыяй шукала

Апошнімі цёплымі дзянькамі многія мінчане стараюцца скарыстацца напоўніцу і па магчымасці адпачыць на прыродзе, хай сабе і ў межах горада.

Культура

Спявак Аляксандр Гелах: Як толькі паступіў, пачаў шукаць работу

Спявак Аляксандр Гелах: Як толькі паступіў, пачаў шукаць работу

Малады тэнар, які прыйшоў у Нацыянальны акадэмічны Вялікі тэатр Беларусі ў 2015-м, звярнуў на сябе ўвагу аматараў оперы адразу.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Танцуй... Пакуль не замужам?