Вы тут

Помнік Янку Купалу ўстанавілі ў Сіаньскім універсітэце замежных моў


З 2018 года студэнты вывучаюць тут беларускую мову, а разам з ёй — нашу гісторыю, традыцыі і звычаі. Сам жа горад вядомы як буйны адукацыйны цэнтр Кітая. Па колькасці ВНУ ён знаходзіцца на трэцім месцы пасля Пекіна і Шанхая.


Помнік Янку Купалу выкананы з бронзы. На гранітнай стэле па-беларуску і па-кітайску напісана: «Народны паэт Беларусi Янка Купала», пазначаны даты жыцця. Бюст стварыў скульптар з Мінска Віктар Копач. Гэта не першая яго работа: у кітайскіх правінцыях устаноўлена дзесяць скульптур майстра, у тым ліку кампазіцыя «Раўнавага» ва ўніверсітэце Цінхуа.

Адкрыццё помніка прайшло ў час наведвання ўніверсітэта Надзвычайным і Паўнамоцным Паслом Беларусі ў Кітаі Кірылам Рудым. Дыпламат сустрэўся з рэктарам ВНУ Ван Цзюньчжэ. Разгледжаны пытанні ўзаемадзеяння з беларускімі ўстановамі вышэйшай адукацыі і рэалізацыі праектаў Года адукацыі Беларусі ў Кітаі, у тым ліку пашырэнне абменаў сярод прафесарска-выкладчыцкага складу, стварэнне сумеснай магістратуры.

Падчас цырымоніі адкрыцця помніка Кірыл Руды падкрэсліў важную ролю Янкі Купалы ў развіцці беларускай і сусветнай літаратуры. Студэнты ўніверсітэта, якія вывучаюць беларускую мову як спецыяльнасць, падрыхтавалі творчую праграму, дзе чыталі творы народнага паэта на беларускай і кітайскай мовах. У завяршэнне ўдзельнікі мерапрыемства наведалі выстаўку, прысвечаную Янку Купалу, падрыхтаваную пры садзейнічанні Дзяржаўнага літаратурнага музея Янкі Купалы.

Вікторыя АСКЕРА

Загаловак у газеце: Сімвал нацыі

Выбар рэдакцыі

Культура

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Беларускаму складніку Тахелеса прысвечаны арт-фестываль «Міфалагема тысячагоддзя», што адкрыўся ў прасторы Ок16 15 жніўня.

У свеце

Як развіваецца глабальнае супрацьстаянне ЗША і Кітая?

Як развіваецца глабальнае супрацьстаянне ЗША і Кітая?

Супярэчнасці ў адносінах паміж Вашынгтонам і Пекінам абвастраюцца, і іх можна смела называць гандлёвай вайной.

Грамадства

Якім павінен быць вучэбны дапаможнік у ХХІ стагоддзі?

Якім павінен быць вучэбны дапаможнік у ХХІ стагоддзі?

З 50 выданняў, якія павінны з'явіцца на школьных партах да 1 верасня, 48 ужо надрукаваныя.

Здароўе

Якія аперацыі беларускія афтальмолагі робяць пры катаракце, глаўкоме і іншых хваробах вачэй

Якія аперацыі беларускія афтальмолагі робяць пры катаракце, глаўкоме і іншых хваробах вачэй

Экзапратэзаванне арбіты не робіцца больш ні ў адной з краін СНД.