Вы тут

«У аб'ектыве студатрад»


Пад такой назвай БРСМ праводзіць рэспубліканскі конкурс, прысвечаны Году студэнцкіх атрадаў.


На яго прымаюцца каляровыя і манахромныя фатаграфіі, атрыманыя аналагавым або лічбавым спосабам, зробленыя ў перыяд трэцяга працоўнага семестра 2019 года. Яны павінны ўтрымліваць сімволіку руху: шаўроны, нашыўкі, значкі, эмблемы, сцягі, студатрадаўскія курткі, майкі, газеты і дыслакацыйныя стэнды студэнцкіх атрадаў. Фотаработы прымаюцца як у арыгінальным выкананні, так і ў артапрацоўцы графічнымі рэдактарамі. Творчае спаборніцтва праводзіцца па дзесяці тэматычных тыднях.

На пачатку кожнага з іх у групе «Беларускія студэнцкія атрады» ў сацыяльнай сетцы «УКантакце» публікуецца тэма, па якой прымаюцца фатаграфіі ад штабоў працоўных спраў. Конкурсная камісія іх ацэньвае і выстаўляе на ўсеагульнае галасаванне. З самых рэйтынгавых фатаграфій па выніках дзесяці конкурсных тыдняў журы вызначыць дзясятку самых цікавых работ і зноў выставіць іх на галасаванне. У выніку пераможцамі стануць як штабы працоўных спраў, якія падалі адмысловыя заяўкі, так і студатрады, што адлюстраваныя на гэтых здымках.

Пераможцаў чакаюць каштоўныя падарункі. А фатаграфіі прадставяць на выстаўцы ў час злёту студатрадаў, на якім будуць падведзены вынікі працоўнага семестра гэтага года. Апроч таго, яны будуць выкарыстаны ў студатрадаўскай паліграфіі.

Конкурс будзе доўжыцца да 6 кастрычніка.

Сяргей РАСОЛЬКА

Выбар рэдакцыі

Грамадства

Магілёўская вобласць ушанавала лідараў уборачнай кампаніі

Магілёўская вобласць ушанавала лідараў уборачнай кампаніі

У Дзень работнікаў сельскай гаспадаркі і перапрацоўчай прамысловасці АПК.

Грамадства

Хворым на фенілкетанурыю могуць палепшыць забяспячэнне прадуктамі харчавання

Хворым на фенілкетанурыю могуць палепшыць забяспячэнне прадуктамі харчавання

Міністэрства аховы здароўя адказала на публікацыю «Звязды».