Вы тут

ЕС мог бы скарыстацца магчымасцямі Беларусі ў рабоце з іншымі краінамі ЕАЭС


ЕС мог бы скарыстацца магчымасцямі Беларусі ў рабоце з іншымі краінамі Еўразійскага эканамічнага саюза. Такую прапанову агучыў старшыня Савета Рэспублікі Міхаіл Мясніковіч на сустрэчы з кіраўніком прадстаўніцтва ЕС у Беларусі Андрэа Віктарын, паведамляе БелТА.


«Мы вядзём дастаткова самастойную палітыку, не пляцёмся ў хвасце рашэнняў, якія прымаюць іншыя дзяржавы, у нас ёсць уласная лінія паводзін. Лічу, гэта заслугоўвае пэўнай увагі», — сказаў кіраўнік верхняй палаты беларускага парламента.

Спікер падзякаваў Андрэа Віктарын за асабісты ўнёсак у развіццё беларуска-еўрапейскіх адносін. «Вельмі добра, што ў нас развіваецца дыялог, у тым ліку парламенцкі», — адзначыў ён. Разам з тым у Беларусі разлічваюць на вялікую падтрымку еўрапейскіх інстытутаў у двухбаковых міжпарламенцкіх кантактах з краінамі ЕС. У якасці прыкладу Міхаіл Мясніковіч прывёў Польшчу, Аўстрыю, Германію, Італію. «Але яны ўсе азіраюцца на пазіцыю Страсбурга і Бруселя. І ў гэтым плане, як мне ўяўляецца, можна было б «блаславіць» краіны Еўрапейскага саюза на больш дынамічнае развіццё двухбаковых адносін з Беларуссю», — лічыць старшыня Савета Рэспублікі. «Мы не кажам пра нейкія саступкі і замоўчванні недахопаў. Мы кажам пра тое, што трэба збліжаць пазіцыі», — дадаў ён.

Акрамя таго, Міхаіл Мясніковіч адзначыў неабходнасць актывізацыі дыялогу на найвышэйшым і высокім узроўнях. «Ён патрабуе вельмі сур'ёзнага развіцця, — сказаў спікер. — Мне ўяўляецца, што рабіць гэта трэба крок за крокам, выкарыстоўваючы менавіта парламенцкае вымярэнне».

У сваю чаргу, Андрэа Віктарын звярнула ўвагу на вялікі прагрэс у беларуска-еўрапейскіх адносінах. Яна падтрымала думку старшыні Савета Рэспублікі пра важнасць міжпарламенцкіх кантактаў і неабходнасць іх развіцця.

Загаловак у газеце: Стаць бліжэй да ЕАЭС

Выбар рэдакцыі

Культура

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Беларускаму складніку Тахелеса прысвечаны арт-фестываль «Міфалагема тысячагоддзя», што адкрыўся ў прасторы Ок16 15 жніўня.

У свеце

Як развіваецца глабальнае супрацьстаянне ЗША і Кітая?

Як развіваецца глабальнае супрацьстаянне ЗША і Кітая?

Супярэчнасці ў адносінах паміж Вашынгтонам і Пекінам абвастраюцца, і іх можна смела называць гандлёвай вайной.

Грамадства

Якім павінен быць вучэбны дапаможнік у ХХІ стагоддзі?

Якім павінен быць вучэбны дапаможнік у ХХІ стагоддзі?

З 50 выданняў, якія павінны з'явіцца на школьных партах да 1 верасня, 48 ужо надрукаваныя.

Здароўе

Якія аперацыі беларускія афтальмолагі робяць пры катаракце, глаўкоме і іншых хваробах вачэй

Якія аперацыі беларускія афтальмолагі робяць пры катаракце, глаўкоме і іншых хваробах вачэй

Экзапратэзаванне арбіты не робіцца больш ні ў адной з краін СНД.