Флэшмоб, у якім айчынныя артысты розных пакаленняў чытаюць любімыя вершы, запусціла «Сталічнае тэлебачанне».
У серыі ролікаў Анатоль Ярмоленка, салістка гурта «Аёва» Кацярына Іванчыкава, Іскуі Абалян і іншыя вядомыя беларусы чытаюць вершы на роднай мове.
Дарэчы, сёлета ў адборачных этапах конкурсу юных чытальнікаў «Жывая класіка», які ладзяць сумесна міністэрства адукацыі і міністэрства інфармацыі Беларусі, Саюз пісьменнікаў і «Сталічнае тэлебачанне», узялі ўдзел больш як 13 тысяч дзяцей з усіх рэгіёнаў краіны.
Як адзначаюць арганізатары, гэта рэкорд за ўсе гады правядзення конкурсу. У фінале паэтычнага спаборніцтва, што адбудзецца 31 жніўня ў Слоніме ў межах Дня беларускага пісьменства, выступяць 15 юных чытальнікаў.
Тэлеверсію падзеі, а таксама святочны канцэрт з удзелам папулярных эстрадных артыстаў, тэлеканал СТБ пакажа 1 верасня.
Вікторыя ЦЕЛЯШУК
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
