Вы тут

Суперсучасную лыжаролерную трасу адкрылі ў горадзе над Сожам


Пад спартыўны аб'ект выдзелілі вялікі ўчастак на беразе вяслярнага канала. Працягласць трасы — адзін кіламетр, шырыня — чатыры метры, ёсць дзве горкі вышынёй да пяці метраў, металічныя зборна-разборныя трыбуны для 500 гледачоў, стрэльбішча на 24 мішэні, камфортныя памяшканні для суддзяў і спартсменаў. Па перыметры трасы ўладкавана асвятленне і відэаназіранне, сістэма, якая забяспечвае штучны снег. Для навучальна-трэніравальнага працэсу і аказання паслуг насельніцтву закуплены лыжаролеры з чаравікамі.


Разынкай комплексу стаў напалову адкрыты біятлонны цір. Ён абсталяваны спецыяльнымі ахоўнымі гумавымі экранамі — каб кулі не давалі рыкашэту. Старшыня Гомельскага аблвыканкама Генадзь САЛАВЕЙ назваў біятлонны комплекс знакавым для жыхароў рэгіёна:

— Асабліва прыемна адзначыць, што адкрыццё трасы супала з прыняццем указа Прэзідэнта, паводле якога школьнікі і выхаванцы спартыўных школ могуць праводзіць арганізаваныя заняткі на такіх фізкультурна-спартыўных збудаваннях бясплатна.

Падарункам ад Міністэрства спорту і турызму стаў сертыфікат на Br10 тысяч на ўмацаванне матэрыяльна-тэхнічнай базы гомельскага комплексу. Вінтоўкамі, трэнажорамі і іншым неабходным абсталяваннем на Br11 тысяч забяспечыла Беларуская федэрацыя біятлона.

Дарэчы, будаўніцтва лыжаролернай трасы ў Гомелі пачалося пасля нарады па развіцці зімовых відаў спорту, калі Прэзідэнт арыентаваў рэгіёны на ўдасканаленне матэрыяльна-тэхнічнай базы. Біятлонны комплекс узвялі за два месяцы. Тэрміны, лічаць у Беларускай федэрацыі біятлона, рэкордныя. У выніку атрымаўся ідэальны аб'ект для юніёраў.

У дзень адкрыцця траса прыняла юных удзельнікаў першага этапу Кубка Беларускай федэрацыі біятлона сярод юнакоў і дзяўчат 2001—2008 гадоў нараджэння.

Ірына АСТАШКЕВІЧ

Фота аўтара

Загаловак у газеце: Вялікі біятлон цяпер і ў Гомелі

Выбар рэдакцыі

Культура

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Беларускаму складніку Тахелеса прысвечаны арт-фестываль «Міфалагема тысячагоддзя», што адкрыўся ў прасторы Ок16 15 жніўня.

У свеце

Як развіваецца глабальнае супрацьстаянне ЗША і Кітая?

Як развіваецца глабальнае супрацьстаянне ЗША і Кітая?

Супярэчнасці ў адносінах паміж Вашынгтонам і Пекінам абвастраюцца, і іх можна смела называць гандлёвай вайной.

Грамадства

Якім павінен быць вучэбны дапаможнік у ХХІ стагоддзі?

Якім павінен быць вучэбны дапаможнік у ХХІ стагоддзі?

З 50 выданняў, якія павінны з'явіцца на школьных партах да 1 верасня, 48 ужо надрукаваныя.

Здароўе

Якія аперацыі беларускія афтальмолагі робяць пры катаракце, глаўкоме і іншых хваробах вачэй

Якія аперацыі беларускія афтальмолагі робяць пры катаракце, глаўкоме і іншых хваробах вачэй

Экзапратэзаванне арбіты не робіцца больш ні ў адной з краін СНД.