Вы тут

Як падоўжыць цвіценне кветак


Каб падоўжыць, расцягнуць цвіценне руж, трэба выдаляць усе адцвілыя кветкі і парасткі. Калі ў півонах не выдаляць бакавыя бутоны, а адцвілыя цэнтральныя кветкі выразаць да ўзроўню бакавых — півоні будуць цвісці нашмат даўжэй.

Падоўжыць цвіценне флёксаў можна, калі абрэзаць напалову частку парасткаў, якія развіліся. На скарочаных парастках развіваюцца бакавыя, якія цвітуць пазней.

Двухлетнікі (незабудка, стакроткі, браткі, гваздзік турэцкі) будуць цвісці даўжэй, калі ў іх выдаляць адцвілыя кветкі, не даючы раслінам завязваць насенне. Калі ў мацыёлы асцярожна выразаць адцвілыя парасткі, расліна будзе ўтвараць новыя і цвісці да позняй восені.

Адналетнікі (агератум, лабелія, лабулярыя) пры адцвітанні можна зрэзаць «на пень», пакінуўшы 2-3 сантыметры ніжняй часткі сцябла, а затым паліць і ўгнаіць. Да канца лета расліны зацвітуць другі раз. Калі ў шматгадовага лубіну зрэзаць адцвілыя сцёблы каля глебы, не пашкоджваючы лісце разеткі, то да восені ён парадуе вас цвіценнем яшчэ раз.

І яшчэ. Хочаце захаваць дэкаратыўнай лістоту раслін, якія адцвітаюць, — не дапускайце ападання кветкавых пялёсткаў на лісце. У канцы цвіцення кветку выдаліце цалкам, абрэзаўшы яе да ўзроўню лісця.

Ірына ТАМКОВІЧ

Загаловак у газеце: Каб кветкі цвілі даўжэй...

Выбар рэдакцыі

Спорт

ФК «БАТЭ» перамог у фінале Кубка Беларусі па футболе

ФК «БАТЭ» перамог у фінале Кубка Беларусі па футболе

Барысаўчане перагулялі клуб з Брэста.

Грамадства

«Большасць пацыентаў дыягназ успрымаюць адэкватна». Як працуюць выязныя брыгады, што лечаць пацыентаў з COVID-19 дома

«Большасць пацыентаў дыягназ успрымаюць адэкватна». Як працуюць выязныя брыгады, што лечаць пацыентаў з COVID-19 дома

З канца красавiка пацыентаў, хворых на каранавiрусную iнфекцыю ў лёгкай i бессiмптомнай форме, лечаць амбулаторна. 

Культура

Марыя Касцюковіч: Спачатку дзiцячае кiно было вялiкiм выхавальнiкам, а потым стала часткай дзяцiнства

Марыя Касцюковіч: Спачатку дзiцячае кiно было вялiкiм выхавальнiкам, а потым стала часткай дзяцiнства

У сферы нашай культуралагiчнай лiтаратуры чакаецца прыбаўленне: праз пэўны час пад цвёрдай вокладкай мы зможам знайсцi грунтоўнае i займальнае даследаванне беларускага дзiцячага кiно — таго, што ў савецкiя i постсавецкiя часы адмыслова стваралася для вельмi асаблiвай аўдыторыi.