У Мінску Ленінскім раённым аддзелам Следчага камітэта расследуецца незвычайная крымінальная справа: малады чалавек абвінавачваецца ў крадзяжы шляхам выкарыстання камп'ютарнай тэхнікі.
Па даных следства, на працягу некалькіх месяцаў 2019 года хлопец знаёміўся з падлеткамі і, прапаноўваючы ім крыху зарабіць, прасіў скарыстацца іх сім-картамі. Ён расказваў хлопцам, што выйграў у казіно буйную суму грошай і вывесці іх можа толькі па 100 рублёў праз сім-карты аднаго з сотавых аператараў краіны.
На самай справе, калі малады чалавек устаўляў сім-карту ў свой тэлефон, ён з дапамогай спецыялізаванай праграмы і раней створаных віртуальных банкаўскіх картак накіроўваў грашовыя сродкі, атрыманыя ў аператара сувязі ў якасці пазыкі, на розныя банкаўскія карты, пасля чаго пераводзіў у наяўныя. Падлеткам ён даваў 5 рублёў у выглядзе ўзнагароджання за карыстанне сім-картай.
Пацярпелыя сталі звяртацца ў міліцыю праз месяц, калі ім на мабільныя тэлефоны прыйшлі смс-абвесткі аб аплаце ўзятай раней пазыкі. У выніку аператыўна-вышуковых мерапрыемстваў супрацоўнікамі міліцыі выяўлены і затрыманы падазраваны. З моманту прад'яўлення абвінавачвання малады чалавек знаходзіцца пад вартай.
На гэты момант ад яго дзеянняў пацярпелі 10 грамадзян. Проціпраўным спосабам абвінавачанаму ўдалося завалодаць 1 тысячай рублёў. Хоць, як паведаміла афіцыйны прадстаўнік УСК па горадзе Мінску Кацярына Гарлінская, у следчых ёсць падставы лічыць, што фактаў проціпраўнай дзейнасці юнака можа быць і значна больш.
Канстанцін ЛЮТКЕВІЧ
Канцэрт для дзяцей і моладзі, пластычны спектакль Ягора Дружыніна і «Рок-панарама».
Выбар саджанца для садавода — той момант, значнасць якога складана пераацаніць.
Актрыса НАДТ імя М. Горкага — пра шлях да сцэны і натхненне.
Тата і мама — два самыя важныя чалавекі ў жыцці кожнага дзіцяці.