Вы тут

Злачынцы ў Гродне выкралі з пластыкавых картак некалькі тысяч рублёў


Гэтымі днямі жыхарам Гродна тэлефанавалі з розных нумароў невядомыя грамадзяне. Чалавек на другім канцы провада прадстаўляўся супрацоўнікам фінансавай установы і казаў, што з пластыкавай карткай могуць быць праблемы, а для таго, каб іх вырашыць, неабходна ўдакладніць усе адпаведныя рэквізіты плацежнага сродку.


Заклапочаныя грамадзяне перадавалі неабходную інфармацыю «фінансісту», а як вынік — праз некаторы час з іх рахункаў знікалі грошы. На 13 жніўня ў Кастрычніцкі РАУС Гродна з падобнымі заявамі звярнуліся восем грамадзян. У аднаго з пацярпелых выкрадзена 800 рублёў.

Паводле слоў першага намесніка начальніка Кастрычніцкага РАУС горада Гродна падпалкоўніка міліцыі Вячаслава Дземідовіча, пры правядзенні праверкі праваахоўнікам удалося ўстанавіць, што зламыснікі выкарыстоўвалі камп'ютарную праграму, якая змяняе нумар тэлефона. Дачыненне рэальных уладальнікаў нумароў да таго, што адбывалася, не пацвярджаецца. «Цяпер мы праводзім комплекс аператыўна-вышуковых мерапрыемстваў, накіраваных на ўстанаўленне асобы ці групы асоб, якія ўчынілі гэтае дзеянне. Хацелася б нагадаць грамадзянам, што нікому нельга перадаваць рэквізіты сваёй банкаўскай карткі. Супрацоўнікі фінансавай установы, банка не будуць прасіць вас прадставіць падобную інфармацыю, тым больш — з дапамогай званкоў», — расказаў Вячаслаў Дземідовіч.

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.