Вы тут

Супрацоўнік кампаніі мабільнай сувязі прысвойваў дарагія тэлефоны


Гісторыя гэтая, як паведаміў афіцыйны прадстаўнік УУС Гомельскага аблвыканкама Віталь Прыстромаў, пачалася яшчэ ў красавіку гэтага года, калі ў офіс аднаго з аператараў сотавай сувязі ў Гомелі звярнуўся абураны кліент. Мужчына не разумеў, чаму ён павінен выплачваць растэрміноўку за тэлефон, які не купляў. Разбірацца ў перыпетыях справы пачалі супрацоўнікі БЭЗ Цэнтральнага РАУС г. Гомеля.


Вывучыўшы фінансавую дакументацыю, аператыўнікі высветлілі, што дамову на продаж сотавага тэлефона аформіў спецыяліст па рабоце з кліентамі з такім самым прозвішчам, як і ў таго абуранага гамяльчаніна.

Супрацоўнік кампаніі, даведаўшыся, што ім усур'ёз зацікавіліся праваахоўныя органы, адмоўчвацца не стаў і расказаў пра схему сваіх незаконных продажаў.

Малады чалавек вырашыў зарабіць на перапродажы сотавых тэлефонаў. «Пакупнікамі» выступілі яго сваякі. Па надуманых падставах ён браў у іх пашпарты і афармляў куплю мабільнікаў у растэрміноўку. Стрыечныя і траюрадныя сёстры, браты, дзядзькі і цёткі, натуральна, нават і не ведалі пра тое, што набылі дарагі тавар. Мабільнікі, дарэчы, выбіраліся нятанныя, ад тысячы рублёў і вышэй. Але, каб палегчыць фінансавую нагрузку, тэрмін растэрміноўкі ставіўся максімальна працяглы.

Затым гамяльчанін размяшчаў аб'явы аб продажы сотавых прылад на гандлёвых інтэрнэт-пляцоўках. «Трубкі» сыходзілі хутка, бо кошт быў значна ніжэйшы за рыначны. Атрыманыя такім чынам грошы траціліся на даўгі і забавы. З канца кастрычніка 2018-га да красавіка 2019-га хлопец паспеў аформіць у растэрміноўку 13 апаратаў сотавай сувязі на агульную суму 14 286 рублёў.

Па гэтай справе (крадзеж шляхам злоўжывання службовымі паўнамоцтвамі) міліцыяй узбуджана крымінальная справа. Аператыўнікам ужо ўдалося знайсці восем сотавых тэлефонаў, прычым не толькі ў Гомелі, але і ў Гродне, Мінску, Рэчыцы. А спецыяліст па рабоце з кліентамі часткова кампенсаваў шкоду.

Канстанцін ЛЮТКЕВІЧ

Выбар рэдакцыі

Эканоміка

Ці патаннее жыллё ў наступным годзе?

Ці патаннее жыллё ў наступным годзе?

А што ў сталіцы — тое і ў рэгіёнах.

Спорт

Спартыўны псіхолаг Кацярына Буча распавядае, ці лёгка вырасціць чэмпіёна

Спартыўны псіхолаг Кацярына Буча распавядае, ці лёгка вырасціць чэмпіёна

Як правільна вызначыць від спорту, які падыходзіць для вашага дзіцяці, ці варта ўвогуле прымушаць яго хадзіць на трэніроўкі?

Грамадства

«На паводзіны Любы не было нараканняў». Наколькі складана выхоўваць дзіця з сіндромам Даўна

«На паводзіны Любы не было нараканняў». Наколькі складана выхоўваць дзіця з сіндромам Даўна

Даша нарадзіла раней за тэрмін з дапамогай кесаравага сячэння. 

Грамадства

«Тут у некаторых па дзве вышэйшыя адукацыі». Расказваем, як і чым харчуюцца бяздомныя

«Тут у некаторых па дзве вышэйшыя адукацыі». Расказваем, як і чым харчуюцца бяздомныя

Яны з розных прычын засталіся без дому і сродкаў на пражыванне.