Вы тут

Эксклюзіўная кніга пра Антарктыку перададзена ў Нацыянальную акадэмію навук


Фонд Цэнтральнай навуковай бібліятэкі імя Якуба Коласа НАН Беларусі папоўніла лімітаванае выданне кнігі “ANTARCTICA” канадскай кампаніі “Nahanni Productions Inc”.


Дадзенае выданне перададзена ў дар Кіраўніку Урада Рэспублікі Беларусь з нагоды 60-й гадавіны падпісання Дагавора аб Антарктыцы. Было прынятае рашэнне аб перадачы выдання на захоўванне ў Нацыянальную акадэмію навук Беларусі з мэтай азнаямлення з ім усіх зацікаўленых.

“ANTARCTICA” з'яўляецца адным з самых вытанчаных твораў кніжнага мастацтва нашага часу. Аформленае ў традыцыях старажытнага пераплёту яно змяшчае эксклюзіўныя матэрыялы.  “ANTARCTICA” атрымала 19 міжнародных узнагарод — больш, чым любая іншая сучасная кніга: “ Найлепшы ў свеце фотаальбом” ( «World's Best Photography Book»), прэмія “Залатыя чарніла”,  выбітная кніга года ў намінацыі “Найлепшае кніжнае афармленне ручной працы”, прэмія Бенджаміна Франкліна (найлепшае друкаванае выданне ў свеце) і іншыя.

Дзесяць гадоў напружаных намаганняў увасобіліся ў тыраж 1000 асобнікаў, з якіх 950 пранумараваны і індывідуальна падпісаныя аўтарамі. Цэнтральная навуковая бібліятэка Нацыянальнай акадэміі навук Беларусі стала ўладальніцай асобніка № 701. Выданне змяшчае аўтограф яе Вялікасці Каралевы Іарданіі Нур, Ганаровага Прэзідэнта Міжнароднай арганізацыі па абароне птушак і захаванню іх асяроддзя пражывання, які сведчыць, што ўсе сабраныя сродкі будуць накіраваныя на кампанію па выратаванні альбатросаў.

336 старонак утрымліваюць 345 фотаздымкаў, зробленых аўтарамі кнігі мужам і жонкай Пэтам і Размары Кіў. Эксперты па палярных даследаваннях сцвярджаюць, што няма іншага апублікаванага партфоліо Антарктыды, якое магло б параўнацца з творчасцю Кіў. За гэту працу Пэт і Размары былі ўдастоены звання “Фатограф прыроды года” і “Найлепшая кніга па фатаграфіі ў свеце” ад Міжнароднага камітэта па фатаграфіі. Кожны малюнак кнігі размешчаны на раскошнай шчыльнай паперы з выкарыстаннем святлаўстойлівых пігментаў і літаграфіі з самам высокай дакладнасцю.

Вага тома, які складае прыкладна 12,5 кілаграм  (27,6 фунтаў), роўны вазе двухгадовага дзіцяці.

Блокі ўсіх экзэмпляраў кнігі, уключаючы асобнік, перададзены на захоўванне ў Цэнтральную навуковую бібліятэку НАН  Беларусі, прашытыя ўручную і апранутыя ў пераплёт з дробназярністай казінай скуры маракен, якая імітуе мастацкія вокладкі, што вырабляліся ў Венецыі ў XV стагоддзі. Кожны асобнік прадстаўлены ў трывалай ільняной і аксамітнай архіўнай скрынцы.

Кніга будзе даступная ў чытальнай зале аддзела рэдкіх кніг і рукапісаў Цэнтральнай навуковай бібліятэкі Нацыянальнай акадэміі навук Беларусі.

Надзея НІКАЛАЕВА

Выбар рэдакцыі

Культура

Што з нашага парадку дня трапляе ў «афіцыйнае» дакументальнае кіно

Што з нашага парадку дня трапляе ў «афіцыйнае» дакументальнае кіно

Свавольныя традыцыі, постчарнобыльскі рай і камп'ютарныя курсы для пенсіянераў.

Эканоміка

Як наладзіць бізнес у невялікім райцэнтры, дзе няма чыгункі

Як наладзіць бізнес у невялікім райцэнтры, дзе няма чыгункі

Уздзенскі касцёл, які пабудавалі ў канцы ХVІІІ стагоддзя, мясцовыя ўлады не адзін раз спрабавалі прадаць праз электронны аўкцыён, але ахвотных аднавіць помнік архітэктуры не знаходзілася. 

Спорт

«Дзясятае месца — гэта наша памылка». Беларускія гандбалісты не выйшлі ў алімпійскі кваліфікацыйны турнір

«Дзясятае месца — гэта наша памылка». Беларускія гандбалісты не выйшлі ў алімпійскі кваліфікацыйны турнір

У заключным матчы ЧЕ па гандболе зборная Беларусі згуляла ўнічыю з камандай Аўстрыі — 36:36