Вы тут

Феерверк кветак і яблычны фэст адбудуцца 17 жніўня ў Карэліцкім раёне


Суботні дзень мае быць насычаным колерамі кветак ды яблычным водарам. На Карэліччыне праспяваюць гімн яблыку, пакаштуюць прысмакі з гэтай садавінай і нават зробяць з яе сувеніры. А кветкамі тут упрыгожаць ровары ды іншыя рэчы, сплятуць вянкі і станцуюць кветкавы танец.


Аграгарадок Аюцавічы стане кветкавай сталіцай раёна. У 15 гадзін свята пачнецца каляровым шэсцем «Феерверк кветак». Далей гасцей чакаюць конкурсы на найпрыгажэйшы вянок, на самы маляўніча аздоблены кветкамі ровар, найлепшую фігуру з кветак і іншыя.

Дзецям пакажуць гульнявую праграму «Кветачка сяміколерная» і дазволяць ад душы памаляваць на асфальце. А дарослыя змогуць паўдзельнічаць у танцавальным флэш-мобе, набыць кветкавыя сувеніры і паслухаць святочны канцэрт.

А 17-й гадзіне раённыя забавы перанясуцца ў вёску Кожава Жухавіцкага сельсавета, дзе пройдзе «Яблычны фэст». Сельскагаспадарчы вытворчы кааператыў «Жухавічы» — адзіная ў раёне гаспадарка, якая спецыялізуецца на вырошчванні яблык і мае 40 фруктовых гектараў.

Гасцей чакае тэатралізаваная праграма «Гімн яблыку», пляцоўка, дзе можна пабачыць «100 яблычных забаў», і яблычныя прысмакі. На свяце вызначаць найлепшага кулінара, які прыгатуе самую смачную і прыгожую шарлотку, і адшукаюць найлепшы яблыневы сад. Госці згуляюць у яблычныя шашкі, змайструюць на памяць сувенір з яблык і, вядома, пакаштуюць самыя розныя сарты жоўтых, чырвоных і зялёных фруктаў.

Падчас яблычнага фэсту ў вёсцы ўганаруюць пары залатых і сярэбраных юбіляраў, а таксама наймаладзейшага і найстарэйшага жыхара Кожава.

Бліжэй да вечара, пасля 20.00, свята перамесціцца на бераг мясцовага возера.

Ірына СІДАРОК

Загаловак у газеце: Жоўтыя, чырвоныя, зялёныя...

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.