Вы тут

Школьнікі з 10 краін будуць шукаць адказы на міждысцыплінарныя задачы


VII Міжнародны турнір юных даследчыкаў прыроды (IYNT) пройдзе 19-23 жніўня ў Беларускім дзяржаўным універсітэце


Як паведаміла прэс-служба ВНУ, у турніры плануецца ўдзел 21 каманды школьнікаў ва ўзросце ад 12 да 16 гадоў з Беларусі, Балгарыі, Грэцыі, Грузіі, Казахстана, Кітая, Новай Зеландыі, Расіі, Румыніі, Харватыі і Швейцарыі.

Беларусь прадставяць навучэнцы ліцэя БДУ, Мінскага дзяржаўнага абласнога ліцэя і сталічнай гімназіі №27. Школьнікам будуць прапанаваныя складаныя задачы па фізіцы, хіміі, біялогіі і сумежных дысцыплінах. Дзяцей чакаюць таксама навуковыя дыскусіі. Напрыклад, юным навукоўцам трэба будзе прапанаваць спосабы гукаізаляцыі пакояў, высветліць, як соль уплывае на урадлівасць глебаў, назваць фактары, якія ўплываюць на бачны памер Месяца… Акрамя таго, на IYNT пройдзе эксперыментальны тур. Школьнікі атрымаюць заданні і абсталяванне, на якім цягам гадзіны правядуць эксперымент і вырашаць адпаведную задачу. Усе выпрабаванні будуць выконвацца на англійскай мове.

Ацэніць работы і выступленні каманд экспертная камісія, у склад якой войдуць выкладчыкі з ВНУ краін-удзельніц, а таксама супрацоўнікі Нацыянальнай акадэміі навук Беларусі. Мерапрыемства адбудзецца пры падтрымцы фонду "Навука вакол нас".

Міжнародны турнір юных даследчыкаў прыроды праводзіцца з 2013 года. Ён накіраваны на рашэнне міждысцыплінарных праблем у галіне прыродазнаўчых навук, развіццё крытычнага мыслення, навыкаў каманднай даследчай працы. У мінулым годзе спаборніцтва праводзілася ў Тбілісі (Грузія)

Надзея НІКАЛАЕВА

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».