У выхадныя ў Мінску на ўчастку пр. Незалежнасці будзе абмежаваны рух

Рух на ўчастку пр. Незалежнасці ад вул. П. Броўкі да вул. Талбухіна часова абмяжуюць з-за асфальтавання дарогі, паведамляе агенцтва "Мінск-Навіны".

Абмежаванні будуць дзейнічаць на цотным баку праспекта. Яны закрануць працу грамадскага транспарту.

У прэс-службе Мінгарвыканкама праінфармавалі: з 05:00 17 жніўня да 6:00 19 жніўня грамадскі транспарт пойдзе па-іншаму. Рух аўтобусаў маршруту № 20 часова арганізуюць з боку ДС "Ангарская-4" да РК "Акадэмічная", маршруту № 37 у напрамку ДС "Карбышава" - па вул. Платонава, Сурганава, пр. Незалежнасці, назад - без зменаў.

Спецыялісты папярэдзілі, што ў перыяд правядзення работ таксама магчымае кароткачасовае спыненне руху пасажырскага транспарту на скрыжаванні вул. Сурганава і пр. Незалежнасці, а пры правядзенні работ у зоне пунктаў прыпынку "Дом друку", "Пл. Калініна","Станцыя метро "Парк Чалюскінцаў" пры руху ў напрамку вул. Валгаградскай будзе праведзена іх кароткачасовая адмена для ўсіх маршрутаў, якія праходзяць.

Жыхароў і гасцей горада просяць улічваць дадзеную інфармацыю пры планаванні паездак.