Вы тут

У Новай Зеландыі знайшлі пінгвіна ростам з чалавека


Археолагі знайшлі ў Новай Зеландыі скамянелыя рэшткі раней невядомага віду пінгвіна Crossvallia waiparensis, піша meduza.io. Навукоўцы знайшлі косткі ног і плечавыя суставы старажытнай птушкі і выказалі здагадку, што яе рост мог дасягаць 160 сантыметраў, а вага - 80 кілаграмаў. На думку навукоўцаў, пінгвін жыў у эпоху палеоцена 56-66 мільёнаў гадоў таму.


Прадстаўнікі Кентэрберыйскага музея ў Крайстчэрчы, дзе захоўваюцца астанкі, падрыхтавалі 3D-мадэль пінгвіна ў параўнанні з чалавекам.

Навукоўцы ўстанавілі прыкладны рост пінгвіна новага віду, параўнаўшы рэшткі з косткамі імператарскага пінгвіна - самага вялікага віду на цяпер. Сярэдні рост імператарскага пінгвіна складае каля 123 сантыметраў, а вага - ад 22 да 45 кілаграмаў.

Аналіз астанкаў паказаў, што пінгвіны Crossvallia waiparensis больш выкарыстоўвалі ногі для плавання, чым для хады. Магчыма, гэтыя жывёлы яшчэ не прыстасаваліся да таго, каб стаяць прама.

  • Найстаражытныя пінгвіны жылі на тэрыторыях Новай Зеландыі і Антарктыды прыкладна 66 мільёнаў гадоў таму. Рост некаторых з іх дасягаў 170 сантыметраў, а вага перавышала 100 кілаграмаў. 
  • У жніўні 2019-га ў Новай Зеландыі знайшлі астанкі папугая выгляду Heracles inexpectatus, які ў вышыню дасягаў аднаго метра і важыў сем кілаграмаў. 
  • У мінулым у Новай Зеландыі таксама насялялі гіганцкія арлы, кажаны і моа - птушкі, чый рост дасягаў 3,6 метра.

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».