Праслухоўванне удзельнікаў нацыянальнага адборачнага тура дзіцячага конкурсу песні "Еўрабачанне-2019" пройдзе 20 жніўня ў Белтэлерадыёкампаніі. Жывое праслухоўванне юных дараванняў будзе праходзіць на самай вялікай тэлевізійнай пляцоўцы - у студыі "600 метраў", паведамілі БЕЛТА ў прэс-службе медыяхолдынга.
Тэрмін прыёму заявак для ўдзелу ў нацыянальным адборы скончыўся 15 жніўня. На адрас Белтэлерадыёкампаніі ў электронным выглядзе паступілі 44 заяўкі.
"Паступілі анкеты як ад сольных выканаўцаў, так і ад калектываў. Некаторыя з іх ужо не першы раз змагаюцца за права прадставіць нашу краіну на міжнародным форуме. У прыватнасці, гэта Марыя Жыліна, Арына Пехцерава, Анастасія Жабко, Марыя Гулевіч, групы "Нясумны ўзрост" і Мonkey Tops. Ужо 20 жніўня патэнцыйныя ўдзельнікі музычнага форуму змогуць прадставіць свае кампазіцыі на суд прафесійнага журы ў самай вялікай студыі на Макаенка, 9 - знакамітай "шасцісотцы". Да праслухоўвання будуць дапушчаны ўсе прэтэндэнты, чые заяўкі аформлены ў адпавяданнямі з патрабаваннямі, названымі ў палажэнні нацадбору", - распавялі ў прэс-службе.
У фінал пройдуць ад сямі да дзесяці выканаўцаў. Гала-канцэрт адбудзецца не пазней 27 верасня.
Прадстаўніка Беларусі для ўдзелу ў міжнародным песенным форуме выберуць па выніках галасавання гледачоў і прафесійнага журы. Усе правы, якія адносяцца да правядзення нацадбору, належаць выключна арганізатару - Белтэлерадыёкампаніі як адзінаму ў краіне члену Еўрапейскага вяшчальнага саюза.
Дзіцячы конкурс песні "Еўрабачанне-2019" пройдзе 24 лістапада ў Глівіцэ (Польшча).
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
