Экалагічная экспедыцыя на АЭС пачала работу па замеры «нулявога фону» на тэрыторыі, якая прылягае да пляцоўкі будаўніцтва беларускай АЭС. Палявы этап даследаванняў працягнецца да 20 жніўня і дазволіць высветліць стан экалагічнай, радыяцыйнай і ядзернай бяспекі ў раёне ўзвядзення станцыі.
Мяркуецца правесці гама-спектраметрычную здымку, адабраць пробы паветра, вады, глебы, донных адкладанняў і расліннасці. Будзе вызначана актыўнасць радыенуклідаў у вызначаных пробах і падрыхтавана справаздача аб выніках работы.
Па выніку вывучэння будзе атрымана незалежная экспертная ацэнка зыходных умоў навакольнага асяроддзя ў раёне будаўніцтва станцыі, якую прадставяць беларускаму грамадству і ў сумежныя краіны.
Праверка праводзіцца па ініцыятыве АЭС з выкарыстаннем вопыту правядзення аналагічных мерапрыемстваў расійскай арганізацыі «Канцэрн Расэнергаатам» і Фонду «Асацыяцыя тэрыторый размяшчэння атамных электрастанцый».
У складзе даследчыкаў — прадстаўнікі міжнароднай экалагічнай грамадскай арганізацыі «Зялёны крыж», агенцтва экалагічнай бяспекі «Альфа-Х91», навукова-асветніцкая арганізацыя «Энергія і Экалогія» ды шэраг іншых устаноў.
Ірына СІДАРОК
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».