Вы тут

У Мінску 73-гадовы вахцёр з хаўруснікамі выкраў 19 рухавікоў вагой больш за 4 тоны


Усё пачалося ў адным са складскіх памяшканняў сталічнага прадпрыемства. Тут захоўваліся адпрацаваныя аўтамабільныя рухавікі, якія лічыліся на балансе як каляровы метал і металалом. Прадпрымальны 73-гадовы вахцёр, які сачыў за маёмасцю, вырашыў прыбраць гэта дабро да сваіх рук.


У планах фігуранта было здаць рухавікі ў пункт прыёму другаснай сыравіны, а атрыманыя грошы выдаткаваць на ўласныя патрэбы, але справіцца з такой вагай у адзіночку пажылы чалавек не змог, паведамляе ГУУС Мінгарвыканкама. Тады вахцёр папрасіў пасадзейнічаць сваіх знаёмых: 51-гадовага і 45-гадовага мінчанін. Дарэчы, мужчыны нават не здагадваліся аб злачынным плане фігуранта, паколькі думалі, што рухавікі яго.

Калі на тэрыторыі прадпрыемства нікога не было, двое прыяцеляў сумесна з вахцёрам патрапілі ў памяшканне, дзе захоўваліся запчасткі. Сумеснымі намаганнямі мужчыны змаглі вынесці 19 аўтамабільных рухавікоў агульнай вагой больш за 4 тоны, якія затым вывезлі на аўтамабілі ў адну з вёсак Мінскага раёна.

Супрацоўнікамі крымінальнага вышуку Кастрычніцкага РУУС г. Мінска падчас правядзення аператыўна-пошукавых мерапрыемстваў выкрадзеныя запчасткі былі выяўленыя ў гаражы, які належыць аднаму з таварышаў. Мужчына затрыманы і змешчаны ў ізалятар часовага ўтрымання.

Сяргей РАСОЛЬКА

Выбар рэдакцыі

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.

Грамадства

Неспадзяваныя падарожжы. Як не згубiцца ў лесе?

Неспадзяваныя падарожжы. Як не згубiцца ў лесе?

Цёплае i вiльготнае надвор'е, якое вось ужо чацвёрты тыдзень з невялiкiмi перапынкамi пануе ў Беларусi, штурхае да таго, каб пайсцi ў лес.