Вы тут

Каля 40 працэнтаў месячнай нормы ападкаў выпала за ноч у Ваўкавыску


Пра гэта паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.


Дажджы ўначы з 19 на 20 жніўня прайшлі па ўсёй тэрыторыі Мінскай, Гродзенскай і Віцебскай абласцей, паўночна-заходнім і цэнтральным раёнам Брэсцкай вобласці. Больш за ўсё ападкаў за ноч выпала на метэастанцыі Ваўкавыск Гродзенскай вобласцi -- 29 міліметраў. Гэта больш за траціну месячнай нормы -- каля 40 працэнтаў. На другім месцы Пружаны Брэсцкай вобласці -- 27 міліметраў ападкаў.

Так, увечары 19 жніўня па тэрыторыі Мінскай вобласці прайшоў навальнічны фронт, які прывёў да перабояў у электразабеспячэнні некаторых населеных пунктаў рэгіёну. Па інфармацыі РУП "Мінскэнерга", усю ноч энергетыкі вялі аднаўленчыя работы, было задзейнічана 25 работнікаў і 12 адзінак тэхнікі. Да раніцы 20 жніўня ў большасці пацярпелых населеных пунктаў электразабеспячэнне было адноўлена.

Моцныя дажджы, месцамі з градам, прайшлі ў Брэсце, затапіўшы шэраг вуліц. Тут жа, у абласным цэнтры, падчас моцнай залевы задыміўся… аўтамабіль хуткай дапамогі. Па інфармацыі абласнога ўпраўлення МНС, здарылася гэта падчас руху. Інцыдэнт адбыўся 19 жніўня прыкладна ў 21.35. На пульт дзяжурнага паступіла паведамленне аб тым, што на скрыжаванні вуліц Маскоўскай і 28 ліпеня загарэўся аўтамабіль хуткай медыцынскай дапамогі. На месца выкліку накіравалі дзве адзінкі спецтэхнікі. Праз тры хвіліны ратавальнікі былі на месцы, аднак іх дапамога не спатрэбілася. Кіроўца хуткай самастойна справіўся з праблемай. Відавочна, пры выездзе машыны на выклік да пацыента падчас залевы адбылося кароткае замыканне электраправодкі ў салоне аўтамабіля. Вадзіцель з дапамогай парашковага вогнетушыцеля самастойна ліквідаваў тленне праводкі. Паралельна былі праінфармаваныя МНС і ДАІ. Выклік быў аператыўна перададзены іншай брыгадзе СМП.

Моцны ўраган прайшоўся ноччу 20 жніўня праз Глубокае. У сеціве можна было пабачыць паваленыя дрэвы, слупы агароджы стадыёна, сарваныя дахі дамоў. Паведамлялася пра град у Зэльве…

Заўтра, 21 жніўня, па паўночнаму захаду краіны абвешчаны аранжавы ўзровень небяспекі з-за навальніц, моцных ліўняў і парывістага ветру.

Сяргей РАСОЛЬКА

Выбар рэдакцыі

Грамадства

Першая дапамога дзецям пры траўмах. Што трэба ведаць?

Першая дапамога дзецям пры траўмах. Што трэба ведаць?

​Дастаткова часта дзецi трапляюць у крытычныя сiтуацыi праз сваю цiкаўнасць i павышаную актыўнасць.

Культура

Распавядаем, што паглядзець на сёлетнім «Славянскiм базары ў Вiцебску»

Распавядаем, што паглядзець на сёлетнім «Славянскiм базары ў Вiцебску»

Сёлета ён пройдзе ўпершыню выключна пад адкрытым небам.

Культура

На якія раскопкі чакаюць валанцёраў?

На якія раскопкі чакаюць валанцёраў?

Увесь лiпень працуе археалагiчны летнiк «Наўры-2020».