Вы тут

Як будзе развівацца веласіпедны рух у Мінску?


Веласіпедны рух у сталіцы актыўна развіваецца. З кожным годам аматараў гэтага віду транспарту становіцца ўсё больш. Аб гэтым паведаміў начальнік галоўнага ўпраўлення спорту і турызму Мінгарвыканкама Міхаіл ПРАКАПЕНКА.


— Канцэпцыя арганізацыі веласіпеднага руху ў сталіцы і стратэгічны план па яе ўвасабленні дзейнічае да 2020 года. Затым плануюцца змяненні ў дакуменце, пры яго састаўленні будуць улічвацца грамадская думка, а таксама вынікі эксперыментаў, што былі праведзены ў горадзе. Напрыклад, можна сказаць аб праекце веладарожкі па вуліцы В. Харужай, дзе ўжо ёсць асобныя палосы ў абодвух напрамках руху. Магчыма, на сёння ён не самы дасканалы, але мы назіраем, як каментуюць такія новаўвядзенні гараджане, і імкнёмся хутка адрэагаваць, унесці карэктывы, калі патрабуецца, — паведаміў спецыяліст.

Працягласць магістральнай дарожкі ў сталіцы складае 27 кіламетраў, а сумешчаных агулам — 196. Супрацоўнік Мінгарвыканкама адзначыў, што яна з кожным годам будзе павялічвацца.

— Пры складанні стратэгічнага плана да 2021 года будзем уводзіць новыя праекты па развіцці веласістэмы. Па колькасці наведвальнікаў мерапрыемстваў для аматараў двухколавага транспарту можна ўбачыць, што іх з кожным годам усё больш, аднак дакладная лічба будзе агучана ў канцы гэтага года. Мы толькі за тое, каб гэты спорт развіваўся, — кажа Міхаіл Пракапенка.

Веласіпедны рух у горадзе выклікае не толькі пазітыўную рэакцыю. Цяпер у Мінску актыўна функцыянуе велашэрынг, аднак, як пракаментаваў начальнік галоўнага ўпраўлення спорту і турызму, з ім звязаныя некаторыя негатыўныя моманты:

— Сітуацыя неадназначная, мы сочым за ёй і працуем у розных кірунках па паляпшэнні такіх сэрвісаў. Час ад часу здараюцца выпадкі вандалізму або некарэктнай паркоўкі ровараў, гэта перашкаджае камфорту іншых. З'яўленне гарадскіх аператараў, а таксама арганізацыя фіксаваных велапарковак зможа сістэматызаваць велашэрынг.

Дар'я ШЛАПАКОВА

Загаловак у газеце: Веларуху — сістэмнасць

Выбар рэдакцыі

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.

Грамадства

Неспадзяваныя падарожжы. Як не згубiцца ў лесе?

Неспадзяваныя падарожжы. Як не згубiцца ў лесе?

Цёплае i вiльготнае надвор'е, якое вось ужо чацвёрты тыдзень з невялiкiмi перапынкамi пануе ў Беларусi, штурхае да таго, каб пайсцi ў лес.