Вы тут

23 жніўня адбудзецца творчая сустрэча з Навумам Гальпяровічам


23 жніўня а 17-й гадзіне ў сталічным «Доме кнігі» — абноўленай кнігарні «Светач» — адбудзецца творчая сустрэча з папулярным пісьменнікам, паэтам і тэлевядучым Навумам Гальпяровічам.


На вечарыне, якая носіць назву «Сюжэт для Вечнасці» — уваход на яе, дарэчы, вольны — чытачы паслухаюць вершы ў аўтарскім выкананні, а таксама апавяданні з кніг «На скрыжаванні сноў» і «Час лістападу» — іх прачытаюць рэжысёр і акцёр, кіраўнік тэатра Беларускага радыё Алег Вінярскі і актрыса Марыя Захарыя. А ўлічваючы, што сярод запрошаных гасцей не толькі выдаўцы, прадстаўнікі Саюза пісьменнікаў Беларусі, вядомыя дзеячы медыясферы і культуры, але і барды і выканаўцы песень на вершы Навума Гальпяровіча, — мабыць, не абыдзецца і без музыкі... У якасці бонуса ўдзельнікі імпрэзы прадставяць новыя літаратурныя праекты, што ўжо гэтай восенню выйдуць на канале «Культура» Беларускага радыё. Напрыканцы сустрэчы адбудзецца аўтограф-сесія аўтара.

Вікторыя ЗАХАРАВА

Загаловак у газеце: Кніга як нагода для сустрэчы

Выбар рэдакцыі

Эканоміка

Распрацоўшчыкі — пра новы Падатковы кодэкс Рэспублікі Беларусь

Распрацоўшчыкі — пра новы Падатковы кодэкс Рэспублікі Беларусь

Летась Падатковы кодэкс Беларусі зазнаў істотныя змяненні.

Калейдаскоп

Вясёлыя гісторыі чытачоў

Вясёлыя гісторыі чытачоў

Любачка і На варце маёмасці.

Грамадства

Як будзе праходзіць перапіс насельніцтва

Як будзе праходзіць перапіс насельніцтва

Старшыня Нацыянальнага статыстычнага камітэта Іна МЯДЗВЕДЗЕВА адзначае, што іх ведамства разлічвае перапісаць максімальную колькасць грамадзян з дапамогай укаранёных інавацый.