Вы тут

Віцэ-спікер савета Рэспублікі наведала дзіцячы прытулак


Такія візіты досыць складаныя. Па-першае — дзеці, якія не церпяць паказухі і няшчырасці. Па-другое — прытулак. Гэта значыць, што дзеці знаходзяцца ў бядзе. Ужо ў бяспецы і дастатку, але яшчэ не з бацькамі, і невядома пакуль дакладна, як складзецца іх жыццё далей.


Фота БелТА.

Дырэктар сацыяльна-педагагічнага цэнтра з прытулкам Фрунзенскага раёна Мінска Марына СТАНКЕВІЧ кажа, што 85 працэнтаў яе падапечных вяртаюцца ў родныя сем'і. Яшчэ адна станоўчая тэндэнцыя — колькасць дзяцей, якія трапілі ў небяспечную сітуацыю, змяншаецца. Цяпер у сценах СПЦ 15 непаўналетніх: ад 3 да 16 гадоў. І канешне, тут ім створаны добрыя ўмовы, з імі працуюць педагогі і псіхолагі, большасць з іх наведваюць бацькі, але ўсё роўна — дзеці нібыта прыціснутыя тым, што з імі адбылося, яны сумуюць па родных і сябрах, яны баяцца, што могуць ніколі больш не вярнуцца дадому...

Мар'яна Шчоткіна адразу пастаралася разняволіць атмасферу, скараціць дыстанцыю паміж сабой і насельнікамі прытулку. Дзеці падрыхтавалі нумары? Добра, але яна хоча сесці так, каб бачыць усіх. І з кожным пазнаёміцца асабіста. І распытаць пра захапленні. І падарункі былі індывідуальныя. І дзеці, спачатку трошкі напружаныя і заціснутыя, хутка раскрыліся, заўсміхаліся і сталі з задавальненнем расказваць пра сябе і свае захапленні.

— Па ўсёй краіне набірае сілу акцыя па дапамозе ў падрыхтоўцы дзяцей да школы, — сказала потым віцэ-спікер журналістам. — Кожны член Савета Рэспублікі возьме ў ёй удзел: нехта наведае школьную лінейку, нехта дзіцячы дом. Адначасова Беларускі Саюз жанчын па ўсёй краіне ўдзельнічае ў акцыі «Збяром партфель разам». Сёння мы прыйшлі ў СПЦ, да дзяцей, якіх часова забралі з сям'і, яны знаходзяцца ў складанай сітуацыі і маюць патрэбу ў асаблівай увазе. Перш чым прыйсці да іх, мы спыталі, чаго яны хочуць.

Віцэ-спікер верхняй палаты парламента ўручыла кожнаму дзіцяці па спартыўным касцюме, прычым усім — розныя. Акрамя таго, прытулак папоўніўся ўтульнымі крэсламі-падушкамі. Але, напэўна, самае важнае ў гэтай сустрэчы — атмасфера і пачуццё, што ты не адзін, тваё жыццё важнае для іншых людзей, нават тых, хто цябе не ведае асабіста. Не ведаў дагэтуль.

— Вельмі важна, каб кожнае малое ішло ў школу з добрым настроем і было да яе падрыхтаванае, — лічыць Мар'яна Шчоткіна. — Менавіта таму Прэзідыум Беларускага саюза жанчын рыхтуе праграму наведвання дзяўчат у дзіцячай закрытай установе ў Петрыкаве.

Намеснік старшыні Савета Рэспублікі згадала словы з песні, якую яна пачула тут, у СПЦ, з вуснаў дзяцей: «Мы падрасцём і ўсё паправім». «Дзяцінства — гэта такі час, калі людзі вераць у светлую мару, калі яны мараць. І мы павінны абавязкова ў гэтым дапамагчы. І самае галоўнае, кожнае дзіця павінна адчуць цеплыню і падтрымку. Яно павінна прыйсці першага верасня ў школьны клас з добрым настроем і ўпэўненасцю, што не адзінокае ў гэтым свеце», — дадала палітык.

Загаловак у газеце: Усё дрэннае міне

Выбар рэдакцыі

Грамадства

Работа па вяртанні імёнаў ахвяр канцлагера Штутгаф не спыняецца

Работа па вяртанні імёнаў ахвяр канцлагера Штутгаф не спыняецца

Імя адбіралі: калі ў рэгістрацыйны барак уваходзіў чалавек, то ўжо з наступных дзвярэй выходзіў нумар.

Жыллё

Як даказаць, што сусед сочыць за вамі, а не за злодзеямі

Як даказаць, што сусед сочыць за вамі, а не за злодзеямі

Падобныя звароты ад фізічных асоб — не рэдкасць.

Грамадства

Якую шкоду могуць прынесці бяскрыўдныя цацкі?

Якую шкоду могуць прынесці бяскрыўдныя цацкі?

У сённяшнім быце немагчыма абысціся без хімічных прадуктаў.

Грамадства

Карэспандэнт «Звязды» высвятляла, чаму так цёмна на асветленых вуліцах Магілёва

Карэспандэнт «Звязды» высвятляла, чаму так цёмна на асветленых вуліцах Магілёва

Вечарам прайсціся ўздоўж цэнтральнай вуліцы Першамайскай у Магілёве адно задавальненне.